Home Infrastructura Gisbert Boekhoudt a splica kico ta e envolvimento di DNM den otorgamento...

Gisbert Boekhoudt a splica kico ta e envolvimento di DNM den otorgamento di tereno

19
0
SHARE
- Advertisement -

ORANJESTAD (AAN) – Director di Departamento di Naturaleza y Medio Ambiente (DNM),  Gisbert Boekhoudt, den conferencia di prensa, a duna un relato di e tarea cu DNM a ricibi, unda nan ta complementa e otorgamento di tereno y e desaroyo di nos Isla.

Boekhoudt a splica cu esaki ta e prome biaha cu DNM ta wordo envolvi den e proceso di otorgamento di tereno y desaroyo di Aruba.

Den e proceso aki DNM ta haya peticion di DIP y den esaki e localidad ta wordo specifica y kico e persona concerni ta bay planea riba e tereno.

E ora ey DIP ta haci un bishita na e lugar y ta evalua e balornan ecologico, y esaki ta e tarea primordial cu e DNM tin.

Ademas, nan ta mira e funcion di e servicio cu naturaleza ta brinda den e tereno concerni. Por ehemplo, si tin un rooi ta core e tin un servicio di “afwatering” (drenahe) pa percura pa e awa core bay un caminda. Si construi un propiedad of un caminda eynan e persona cu haci esaki ta bay ta den problema y esey nan kier evita y percura pa e desaroyo di Aruba ta bon organiza y den e aspecto aki DNM tin un parti di dje.

DNM ta check e cantidad di naturaleza cu tin den e area, su vegetacion y cual sorto e ta, si ta cera of no, di ta facil pa drenta y ki especienan tin eyden, tanto si nan ta proteha of no, pero cu tin un valor ecologico toch.

Tambe nan ta raporta si tin cueva of gulido, of baranca. Ademas nan ta duna un specificacion si tin caminda unda tin cosnan adicional cu por tin balor cultural, of si tin sushedad. Tur esaki pa esun cu ta bay construi den e area tene cuenta cune.

DIP ta traha un conseho principalmente riba e balornan ecologico y riba e aspectonan cu ta bin acerca, pa tene cuenta cune den e proceso di otorgamento di tereno.

- Advertisement -

DUNA COMENTARIO

Please enter your comment!
Please enter your name here