Home General Marck Oduber contento cu exito di Conferencia internacional di IOCaribe

Marck Oduber contento cu exito di Conferencia internacional di IOCaribe

124
0
SHARE
- Advertisement -

Hopi dato importante a wordo treci dilanti

ORANJESTAD (AAN):  Marck Oduber den entrevista cu DIARIO a indica cu dos pa tres aña pasa el a lanta bek e IOCARIBE cu ta part di IOC (Intergovernmental Oceanographic Commission) di UNESCO.

El a splica cu a cuminza surgi hopi proyecto of softwarenan cu e ta geef door na e departamentonan. Pero mirando e importancia di e conferencianan aki, el a papia cu Minister Lampe y a haya cu ta hopi bon pa tin conferencia asina na Aruba.

E conferencia aki ta uno grandi y tabata tin mas di 45 experto y mas cu 15 pais y delegacionnan cu a bin Aruba.

Oduber a haya e conferencia aki uno hopi positivo. A presenta softwarenan pa monitoria y trek sargassum, pa paisnan por haci uso di dje. Aruba a haci uso di dje y te hasta un di e desaroyadonan a bay Directie Natuur en Milieu pa duna training.

Esaki no tabata posibel sino tabata tin un conferencia asina na Aruba, a remarca. Parke Arikok tambe a sinta cu delegadonan y expertonan cu no ta haya regularmente na un isla chikito.

Cu esaki Aruba ta wordo reconoci internacionalmente cu el a tene un conferencia ariba e nivel di United Nations hopi halto.

A laga sa cu e datonan a bay pa e departamentonan locual ta hopi importante. Awor ta bay tuma decisionnan pa Caribe y esey ta bay wordo presenta na Paris pa un maneho mundial pa e proximo dos añanan.

- Advertisement -

DUNA COMENTARIO

Please enter your comment!
Please enter your name here