Home Policial Marina Hulandes a intercepta como 1.600 kilo di cocaina

Marina Hulandes a intercepta como 1.600 kilo di cocaina

597
0
SHARE
- Advertisement -

ORANJESTAD (AAN): Algun dia pasa segun informe ricibi, un barco di Marina Hulandes a descubri y confisca 1.600 kilo di droga riba laman.  E informe suministra pa Ministerio di Defensa, ta indica cu un total di cuater persona a worde deteni.

Abordo di e barco Zr.Ms. Groningen tabatin abordo tambe personal di US Coast Guard, cu a nabega hunto cu e tripulacion Hulandes.

Tabata Diahuebs 16 di Mei cu den oranan di merdia cu nan a intercepta e droga aki.  E helicopter NH-90 ta esun cu a descubri e boto sospechoso aki, y a obliga nan di stop.  Ora cu a bay abordo, a descubri e 1.600 kilo di cocaina.

Tanto e droga y e tripulacion a wordo pasa over na US Coast Guard, pa sigui cu e investigacion.

E barco Zr.Ms. Groningen ta apenas desde 20 di April activo den Lama Caribe.  E barco ta fungi como Stationschip pa actua den trabao di combati narcotrafico, y tambe yudanza humanitario.  Ademas di esaki, e barco ta disponible pa diferente tarea di Guardacosta den Caribe Hulandes, manera detecta piscamento ilegal, violacion di leynan ambiental, y operacionnan di rescate.

Na comienzo di e luna aki, e barco Zr.Ms. Groningen a duna yudanza na un Yate cu a haya problema cu motor.

Pa por haci e trabao, e barco Zr.Ms. Groningen tin dos speedboat di rubber tipo FRISC, y tambe un helicopter NH-90. Pa e siguiente dos añanan e barco ta keda den e area, mientras cu lo cambia di tripulacion si.

Den Caribe, aña pasa a bin descubri casi 2.500 kilo di droga y e aña aki si conta locual a worde confica e ta yega casi mas cu 4.000 kilo. E relato no ta menciona nacionalidad di e cuater detenidonan.

- Advertisement -

DUNA COMENTARIO

Please enter your comment!
Please enter your name here