Home Gobierno Minister President Wever-Croes ta na Washington pa varios reunion unda lo trata...

Minister President Wever-Croes ta na Washington pa varios reunion unda lo trata e tema di Venezuela y refineria

52
0
SHARE
- Advertisement -

ORANJESTAD (AAN):  Dialuna y diamars, Prome Minister ta na Washington Merca pa un Mision Conhunto cu Embahador di Reino na Washington, sr. Schuwer a organisa.

Prome Minister di Corsou Eugene Rhuggenaath hunto cu su delegacion y Prome Minister di Aruba Evelyn Wever-Croes hunto cu su delegacion lo compaña e Embahador di Reino na algun reunion durante e dos dianan aki. Riba agenda tin varios reunion cu tin como punto central tanto e refineria como tambe e impacto cu e crisis migratorio di Venezuela tin riba Aruba.

Lo reuni cu OFAC cu ta esnan cu ta atende cu e sanccionnan y tambe cu State Department tanto riba e topico di sanccionnan como riba e situacion di e crisis humanitario en general.

Na Capitol Hill tambe lo tuma luga reunionnan cu congresistanan Mericano unda cu lo enfatisa tambe e importancia di e impacto di e refineria y e impacto di e crisis migratorio tin riba economia di nos paisnan. Prome Minister a enfatisa cu ta importante pa nan realisa cu cada decision cu nan tuma aya tin su impacto grandi riba e islanan chikito manera Aruba y Corsou.

Lo reuni cu Camara di Comercio na Washington y lo topa cu varios inversionista potencial pa delibera riba e oportunidadnan economico cu e islanan tin di Brinda.

Tambe lo tin algun encuentronan entre otro cu IMF y WorldBank na unda tambe lo trata e tema di Venezuela y su impacto pa mira con Aruba por bin na remarke pa mas fondo pa yuda nos cu e problematica aki.

Lo reuni cu Secretario General di OAS sr. Almagro riba topico di Venezuela. E situacion humanitario lo wordo trata cu administrador di US AID, tambe cu representante especial di Venezuela na State Department, y cu Under Secretary Hale na State Department. E aspectonan di siguridad lo wordo trata cu oficina di National Security Advisor.

E prome reunionnan a cuminsa tempran mainta y lo bay ta hopi intensivo riba e diferente areanan menciona. Prome Minister lo ta bek na Aruba diaranson cu e speransa di trece bon noticia bek pa nos pais.

- Advertisement -

DUNA COMENTARIO

Please enter your comment!
Please enter your name here