Home Deporte Muchanan di 6 te cu 15 aña por participa na e Olympic...

Muchanan di 6 te cu 15 aña por participa na e Olympic Run di dia 15 di Juni

26
0
SHARE
- Advertisement -

ORANJESTAD(AAN): E aña aki un biaha mas ta bay tuma lugar e asina yama Olympic Day  Run, organiza pa IBiSA, COA y Aruba Bank.

Durante un conferencia di prensa Wil Erasmus di IBiSA a splica cu e aña aki e ta bay ta mas special, pasobra e ta bay forma parti di e Olimpiada Escolar cu ta cuminza dia 24 di Mei.

Registracion a cuminza caba, pues tur hende cu kier inscribi nan yiunan por subi riba www.deporteescolararuba.com.

Erasmus a splica cu ainda tin alrededor di 500 lugar habri.

E Olympic Run ta bay ta riba 15 di Juni, di 6’or di mainta te cu 12’or di merdia.

Registracion ta completamente gratis y riba e dia di careda mes bo por busca bo pakete.

E caredanan mes ta cuminza 7’or di mainta.

E diferente gruponan ta sali na diferente momento, pa asina e careda keda den un bon ‘flow’.

“Importante ta pa e muchanan core nan propio careda, sin worry cu tur e otro gruponan, cu por ta den otro categorianan”, segun Erasmus, kende a indica cu categoria di 6 pa 7 aña ta core 1 kilometer, B ta 8 pa 9 aña, C ta 10 pa 11 aña(2 kilometer), categoria D ta di 12 pa 13 aña y categoria E di 14 pa 15 aña ta core 3 kilometer.

- Advertisement -

DUNA COMENTARIO

Please enter your comment!
Please enter your name here