Home Transporte y Utilidadnan No ta Elmar sino DTI ta encarga cu si luz ta wordo...

No ta Elmar sino DTI ta encarga cu si luz ta wordo poni den cierto bario

26
0
SHARE
- Advertisement -

ORANJESTAD(AAN): Recientemente DIARIO a entrevista director di Elmar Robertico Koolman, pa haya sa di e procedura pa pidi luz di caya.

“Normalmente nos tin un contrato cu Gobierno, pues nos ta haya opdracht di Gobierno pa pone luz di caya”.

“Den e caso aki DTI ta manda opdracht pa Elmar , bisando cu mester pone luz den tal bario”.

“Elmar ta esun cu ta hasi mantencion bek na e luz”.

Esaki segun Koolman, kende a sigui bisa cu den e caso aki tin dos opcion.

Un di e opcionnan ta cu e persona mes por cumpra un luz, unda cu despues e ta pasa na Elmar pa firma un contrato pa paga un suma mensual.

“Ora cu bo firma e contrato pa paga e suma mensual, nos ta pone pabo riba e palo di luz”.

“Tin un otro opcion, unda cu bo por manda un carta pa e minister concerni of pa DTI y bo ta hasi un peticion”.

“Ora cu Gobierno ta asina leu cu di berdad nan ta bay pone luz di caya eynan, nan ta duna nos e opdracht y nos ta pone e luz”, segun e director di Elmar.

Ta DTI pues na dado momento ta determina si un caya ta haya luz of no.

DIARIO a puntra Koolman si Elmar sa haya peticion di hendenan cu ta haya cu mester bin luz den cierto barionan unda cu e scuridad ta causa peliger y el a bisa cu si.

Peticionnan ta drenta, pero Elmar ta mustra esnan cu a hasi e peticion cu ta cerca DTI nan mester ta.

- Advertisement -

DUNA COMENTARIO

Please enter your comment!
Please enter your name here