Home Labor Ora Ley di ARBO drenta na vigor tur dunador di trabao ta...

Ora Ley di ARBO drenta na vigor tur dunador di trabao ta obliga pa uz’e

504
0
SHARE
- Advertisement -

Concepto di Ley a wordo manda pa gobierno na 2007

ORANJESTAD (AAN):  Franklin Kock, director di Departamento di Labor a duna di conoce cu na Aruba ainda no tin un ley di ARBO, cual ta un ley cu ta regla circumstancianan na pia di trabao.

Pa hopi aña tabata tin diferente comision cu a introduci ariba e introduccion di un ley di ARBO pa Aruba. Segun Kock, e mes a participa den un comision na 2006, bao di e presidencia di Departamento di Salud.

Hasta na 2007 a manda un concepto di ley pa gobierno, pero nunca a wordo haci nada cune. E ultimo comision cu tabata tin y cu a participa Sra. Flora Petronilia a resulta den un concepto di ley na unda a uza e ley cu tin na Hulanda caba ariba ARBO, adapta na e situacion local.

E concepto ey, cu ta uno basta extenso, a wordo trata como un di e prome leynan den e plataforma di dialogo tripartite social-laboral, cu participacion di Gobierno, sector priva y sindicato. Siguiendo e formula di ILO, pa tin un participacion mas amplio cu ta posibel.

E ley di ARBO ta hopi importante pasobra ta regla e circumstancianan na pia di trabao y ta bay tene cuenta cu e aspectonan di trabao cu por stroba e trahador den su salud, si siguridad y su bienestar y ta purba protehe di esey.

Franklin Kock a enfatiza cu e ley aki ta forza e dunador di trabao pa traha hunto cu trahadornan pa bin cu un maneho ariba circumstancianan na pia di trabao (RI&E, risico-inventarisatie & evaluatie).

Kiermen e dunador di trabao ta haye obliga den su compania pa sinta bay wak y evalua tur e riesgonan cu tin mara na e trabao y propone medidanan cu si un peliger presenta pa soluciona e problema ey.  E maneho ey mester wordo poni preto ariba blanco y e tin cu hacie cu envolvimento di e trahador, Franklin Kock a remarca.

E sistema aki unda trahador y doño di trabao tin cu traha hunto ta pone cu e trahador ta bay sinti mas motiva pa bay trabao ya cu tin un contribucion den e maneho.

Manera e situacion ta aworaki, a bisa, no tin ningun ley cu ta forza un dunador di trabao pa bin cu un maneho na unda e tin cu envolvi e trahador tambe. Tin cierto manehonan y cierto leynan ariba circumstancianan na pia di trabao, pero no tin ningun caminda skirbi cu e dunador di trabao tin su maneho cu e ta traha a base di ley y cu ta envolvi e trahador.

Esey ta e extra di e ley ARBO cu ta pone cu e dos partidonan aki tin cu bay traha hunto. “E pensamento ta tambe cu motivacion di e trahador ta subi, su produccion ta bay subi loke ta bon p’e, pero tambe pa e compania pasobra si e produccion di e trahador ta subi, e compania tambe su exito lo bira mas halto”.

E ley aki ta bay proteha e trahador su seguridad y su salud na pia di trabao, pero e ley aki ta bay pone cu e dunador di trabao tin cu bay saca placa pa bay duna e trahador e experticio pa e por traha den un sistema nobo.

Por ehempel, na WEB NV tin caba loke nan ta yama un ‘bedrijfhulpverleners’. Kiermen, si pasa algo na pia di trabao, e promenan yama pa haci algo wardando brandweer of ambulans, ta e trahadornan mes cu a haya training. Nan mes ta prepara pa esey.

E experticio aki lo costa placa y door di e parti financiero ey, dunadornan di trabao no ta mucho contento pa bin cu un ley asina rapido, Eynan el a pega un poco.

El a reitera cu na 2007 a manda e concepto di ley di ARBO, kiermen 12 aña pasa pero nada a pasa y no a haya sa dicon, Kock a indica.

E minister actual si kier push’e y cuminsa cun’e. Ora e ley bin tur hende, sector publico y priva, ta obliga pa uz’e. E ley aki por bira un realidad pronto. ‘E ;ey ta un power tool”, e director di Departamento di Labor a finaliza bisando.

 

- Advertisement -

DUNA COMENTARIO

Please enter your comment!
Please enter your name here