Home Editorial Reparticion di SVb como empresa a afecta fondo di seguro

Reparticion di SVb como empresa a afecta fondo di seguro

319
2
SHARE
- Advertisement -

Reino mester a atende SVb despues di cambionan estatal

*Origen di SVB ta topa cu problema mundial di edad promedio

*SVB como empresa a wordo trata como departamento di gobierno

ORANJESTAD (AAN) — E problemanan actual di pensioen di behes na islanan cu tabata parti di Antia Hulandes, no ta solamente basa riba problemanan cu henter mundo ta confronta a base di e composicion di comunidad. E problema cu ta afecta e islanan cu tabata parti di Antia Hulandes riba tereno di pensioen di behes y otro fondonan di seguro social ta basa tambe riba e hecho cu a reparti di e fondonan di SVb a medida cu cada pais nobo den Reino Hulandes a nace.

Origen di historia di SVb mester wordo busca den historia colonial di Aruba, prome cu Antia Hulandes a nace.

Tabata tin hopi pobresa cu a haci necesario pa introduci areglonan social. Ora e refinerianan na Aruba y Curaçao a trece alivio economico, tur problema social no a termina pasobra tabata tin hende ta bira malo y den nan tempo di malesa no tabata tin entrada. Esaki automaticamente a haci nan pober.

E tempo cu Reino a cuminsa actua riba tereno social directamente, manera den e oranan cu negoshi ta habri y trahadonan pues ta traha na aña 1923. Na 1934 a bini cu areglonan pa malesa di trahado sigui pa areglo pa accidente di trahado.

A dicidi pa un sistema di seguro pa evita cu ta gobierno mester a atende cu e gastonan y asina por a surgi problema financiero pa e pais.

Tres departamento di gobierno cu a wordo institui a bira uno pa supervisa e seguro cu por lo demas a keda den man di e compania priva Nieuwe Eerste Nederlandse.

Pa personanan cu edad tabata haci pober pasobra nan no por traha pa nan pan mas, a introduci na 1955, un provision mientras a cuminsa traha riba un seguro social pa personanan di edad avansa.

SVB a wordo funda na 1960 y a wordo dicidi pa pone pensioen di bes den man di SVB segun un areglo cu tur hende cu ta traha ta paga prima pa e seguro segun nan entrada.

Na 1966 a bini e seguro pa huerfano y viudanan, cu tambe ta basa riba e sistema di seguro.

E ley pa seguro medico y despues ley di Cesantia a cera posibilidad cu condicionnan di malesa, biehes of morto di e cabes di famia por hinca hende den miseria.

Importante tabata cu a introduci seguro y no departamentonan di gobierno pa asina e entrada tabata carga pa fondonan pa medio di seguro.

Gobierno a keda cu Departamento di Asunto Social y Banco di Seguro Social tin su propio personalidad legal.

E fondonan di e banco tabata basa riba contribucion di miembronan segun haltura di nan entrada.

E oficinanan principal di SVb tabata na Curaçao y tabata tin filial na Aruba, Bonaire y Isla Ariba.

Na momento di Status Aparte di Aruba a dicidi cu ta reparti e clientenan di e paisnan pero tambe fondonan di SVb. Pues SVb a wordo trata como un departamento y no como un compania di seguro cu ta depende di e cantidad di cliente cu e tin pa siguridad di su fondonan.

Si fondonan di seguro y sigur seguronan cu ta atende cu pensioen rond mundo ta wordo afecta pa e hecho cu e edad di poblacion ta cambia, Aruba tambe mester a busca solucion pa problemanan cu a presenta.

Reino Hulandes ta wordo afecta cu diferente problema cu personanan di edad debi na e areglonan nobo cu por ehempel Hulanda tin den Union Europeo.

Antia a stop di existi y SVb na tur e islanan a wordo reparti.

SVb cu a cuminsa na 1961, a bira awe cuater entidad cu cada uno su propio fondo.

Teniendo cuenta cu e naturalesa di un banco di seguro social, cu ta un empresa priva cu ta depende di pago di prima, segun tur experto riba e tereno, lo tabata miho pa Reino Hulandes a yega na un sistema teniendo cuenta for di e tempo tabata conoci cu edad di poblacion mundial ta cambia.

Pa garantisa e cantidad di miembronan di e seguro social lo por a yega na cooperacion den Reino, cu awe hasta na Hulanda ta confronta cu e problema di edad.

DIARIO lo sigui informa riba e tereno sumamente importante aki.

- Advertisement -

2 COMMENTS

  1. No mester a regala 60 million na gobierno di AVP ( debe cu na SVB ci nan no a paga mas) ….esey ta plaka di aseguradonan cu mester a worde inverti den e fondo. Director SVB tambe ta responsabel pa esey.

DUNA COMENTARIO

Please enter your comment!
Please enter your name here