Home Parlamento Segun parlamentario Endy Croes di MEP Ezzard Cilié lo no keda largo...

Segun parlamentario Endy Croes di MEP Ezzard Cilié lo no keda largo den su funcion na HOH

63
0
SHARE
- Advertisement -

“Investigacion y accion ta na su lugar”:

ORANJESTAD (AAN) – Pa conclui su participacion den conferencia di prensa di fraccion di MEP, Parlamentario Endy Croes a expresa su preocupacion cu e funcionamento di Hospital dr. Horacio Oduber, y a baha pisa riba e director Ezzard Cilié.

E parlamentario a menciona cu e mes ta haciendo su propio investigacion y cu e sa cu gobierno ta bezig cu su parti.

El a subraya cu a yega tempo pa papia internamente cu e minister encarga, aunke e sa cu e tin su mannan carga cu trabao y cu cada un tin su prioridad, pero hospital ta un tema cu e kier toca urgentemente.

Parlamentario Croes a expresa cu tin un director na Hospital, “un tal cilié”, y aunke no tur hende ta gusta menciona nomber, tin cu dal e clabo riba cabes y no mester tin miedo di hacie.

El a expresa cu recientemente sr. Cilié a bay tres siman cu vacacion na Hulanda, y prome cu el a bay a tuma e decision di bin cu un curso di management pa e staf pa cual a destina 300 mil florin siendo cu e mesun curso aki un instancia di Amsterdam a yega di duna e management team caba.

El a agrega cu “e mesun Cilié” aki ta contrata un amigo, cu e no conoce pero cu ta cobra 200 mil florin na Consultancy, mientras cu hospital ta yen di problema.

Tambe ta paga 140 mil florin na huur di edificionan rond pa warda ekiponan di construccion, pa haci e resto di trabao. Esaki ta señalnan cu ta yega cerca fraccion di MEP, y segun e parlamentario a yega momento pa toca e tema aki publicamente.

E ta bay pidi minister Dangui Oduber, personalmente, pa laga e fraccion tuma accionnan fuerte desde e bestuur te na Raad van Toezicht, pa wak si nan ta na haltura y ta aprobando esaki.

Siguiendo cu otro informacion cu fraccion di MEP tin, Parlamentario Croes a señala cu e Laboratorio FSLMA, a pidi productonan pa haci test, y den cantidadnan grandi sin consulta cu otro, y nan ta expira, como cu Aruba ta un Isla chikito pa un volumen grandi.

Segun e parlamentario den luna di April mester a benta afo casi 400 mil florin na productonan expira, mientras cu e laboratorio ta sangrando y no tin pa haci test cu otro hende.

Fraccion di MEP ta bay haci investigacion y si mester bin cu un encuesta parlamentario, lo pidi e minister haci cierto investigacionnan pero e ta e momento pa pone e wheel aki draai, el a expresa y bisa: “Mi ta kere cu e Cilié aki, no por bay keda largo eynan y e bestuur tambe, den mi concepto, sin sa ken nan ta yega tempo pa cambionan mester bin, y den e structura den su totalidad. Locual nos tin entendi como Parlamento ta cu e structura den hospital ta hinca di tal manera den otro cu minister tin minoria, y si e pone dos hende eyden, e no tin mayoria y cos ta keda draai pasobra e minister no por bisa mucho”.

Endy Croes a señala cu AZV  cu ta e ader mayor, pasobra 90 porciento di tur e gastonan di hospital, cu ta core riba 150 miyon florin, ta wordo paga door di AZV mientras cu e instancia aki no tin ningun voz tampoco eyden.

E parlamentario a acentua cu mester bay tuma decisionnan fuerte, cu kizas lo tranca e operacion un poco, pero lo mester bin cu structura nobo. El a subraya cu investigacion y accion ta na su lugar, y fraccion di MEP lo pidi un reunion di urgencia pa atende cu abusonan cu ta sosode den Hospital pa cierto dirigentenan cu ta kere cu nan ta intocable.

- Advertisement -

DUNA COMENTARIO

Please enter your comment!
Please enter your name here