Remitido
Mi por bisa cu a mi semper tabata contra e Tram, pero si pa drecha caya Betico Croes pa bira un shopping habri,
mi ta puntra pueblo pagado di belasting si nan ta contento cu e inversion aki cu no a trece ni un beneficio pa nan.
Todo lo contrario, hopi di nan tin miedo di subi caya cu e muchanan pa e risico di un di e tram pasa riba dje.
A mi ta papia cu conocimento di causa. Mi a subi caya cu mi nieta di 4 aña, su petchi a bula y mesora el a core pa recupera su petchi sin mira e dos banda di caminda.
A mi no ta tuma mi tempo pa bin cu critica y si cu solucion, Si nos gobierno actual kier haci un diferencia pa duna bida na caya Betico Croes, laga e Tram bin fo’i terminal cu destino final banda di La Linda. Eynan e turista mester baha si nan kier conoce nos caya principal y pasa tienda pa tienda na pia.
E Tram sigui e caminda cu ta pasa patras di Renaissance hotel y sigui bay terminal. Y caya principal lo bira un lugar na unda nos pueblo por cana sigur cu nan yiu, tienda di cuminda por pone mesanan pafo y tienda por pone nan tienda di discount pafo y asina hacie mas atractivo pa nos pueblo por disfruta di un shopping placentero.
Maria Jose Groot
Sombre-Santa Cruz
