Home General Trump no ta yuda Citgo si Maduro no bay

Trump no ta yuda Citgo si Maduro no bay

439
0
SHARE
- Advertisement -

Informacion crucial di DIARIO na 2018 base titular mundial awe

*Maduro y Cuba a perde control riba nan economia y financia

*Salida di Maduro exigencia pa Venezuela no perde Citgo

ORANJESTAD(AAN)–E situacion na Venezuela ta yega su punto culminante. Informacionnan cu DIARIO a presenta na 2018, awe ta haya confirmacion den prensa mundial mientras manera DIARIO a anuncia ayera, e industria petrolero di Venezuela ta rementa den man di Maduro.

DIARIO ta sigui tras di desaroyonan cu manera a wordo mustra cu insistencia na su lectornan, a yega e fase di culminacion na momento cu futuro di Citgo a wordo saca for di man di Nicolas Maduro dor di Guaidó, cu ta apela riba su conexion cu Merca pa a haya yudansa pa Citgo.

Regimen Nicolas Maduro a aumenta su agresividad mientras sector petrolero di Venezuela ta rementa den man di Maduro.

E produccion di petroleo di e pais ta casi nulo na e momentonan aki. E pais no por bende petroleo pero tampoco por manda petroleo pa Cuba, cu hunto cu Venezuela ta confronta un crisis enorme.

Cu Maduro y Cuba a perde tur control riba economia y financia di nan pais, ta bini dilanti den medidanan cu e paisnan mester tuma pa frena problemanan serio cu ta escala riba tereno economico y financiero.

E medidanan economico di Merca ta haya tur motibo di a wordo uza como arma, si mira e realidad economico y financiero Venezolano.

Guaidó a trata di interveni den e situacion actual y a pidi Merca pa interveni pa Venezuela por paga su debenan entre otro na financiadonan di prestamo haci cu regimen Nicolas Maduro.

Presidente Donald Trump lo a mustra ayera tardi cu e no ta duna asistencia pa alivia e problema financiero cu ta resultado di Maduro y e debenan cu Maduro a crea cu un cantidad di compania Mericano cu entre otro Citgo como borg.

Ayera Citgo tabata den centro di atencion pasobra Merca ta insisti cu e no ta yuda scapa Citgo si Nicolas Maduro no hala atras y bandona arena politico di Venezuela.

Guaidó ta trata di colecta e suma necesario pa paga e debe di Citgo cu placa cu e kier haya como pago na PDVSA.

E situacion na Venezuela ta bay culmina y manera DIARIO a adverti Citgo ta hunga un papel clave den e desaroyonan. Te ayera nochi Rusia no a expresa su mes kico e lo haci cu su parti den Citgo.

- Advertisement -

DUNA COMENTARIO

Please enter your comment!
Please enter your name here