Home Ciencia y Tecnologia Buki “The Archaeology of Aruba: The Pictographs and Petroglyphs” na caminda pa...

Buki “The Archaeology of Aruba: The Pictographs and Petroglyphs” na caminda pa Aruba

56
0
SHARE
- Advertisement -

ORANJESTAD (AAN): Diabierna dia 5 di juli Museo Arqueologico Nacional Aruba (MANA) hunto cu Fundacion 1403 (F1403) lo presenta e publicacion “The Archaeology of Aruba: The Pictographs and Petroglyphs” den auditorium di Museo Arqueologico.

E anochi aki un y tur cu a cumpra e publicacion den pre-benta por bin busca e buki aki entre 8 pa 9’or di anochi despues di e presentacion oficial den e “ex-fruteria” di Museo Arqueologico na Schelpstraat 42. Te cu e fecha di diamars 2 di juli por cumpra e ‘coffeetable book’ impresionante aki pa un prijs special.

Tur esnan cu ta aficcionado di pintura riba baranca of cu ta interesa den nos herencia arkeologico of cu ta busca un regaldo unico pa un ser keri of un souvenir diferente pa hiba pa familiares cu ta biba pafor di Aruba, por pasa, cuminsando for di dialuna dia 24 di juni te cu Diamars dia 2 di juli entre 8.30 di mainta te 12.30 di merdia na Museo Arqueologico y pasa cerca e arkeologo cu ta un di e authornan di e buki drs. Harold Kelly mes pa e pre-benta di e publicacion.

Alavez ta sigui cu e promocion via e pagina di facebook Fundacion 1403 na unda via un link por cumpra e buki on-line den pre-benta.

Mientrastanto e publicacion a sali rumbo pa Aruba pa asina yega na ora pa presenta esaki cu un anochi ameno den auditorium di Museo Arqueologico.

E anochi aki dr. Aad Versteeg, co-author di e publicacion cu el a inicia 29 aña pasa, tambe lo ta presente specialmente pa haci e presentacion di e catalogo importante di pintura riba baranca aki. ‘E catalogo ta un regalo di Prins Bernhard Cultuurfonds, UNOCA, Gomez & Coffi, FCCA y Grant Thorthon na comunidad y futuro generacionnan di Aruba’.

E anochi aki e exposicion temporario ‘Lasonan Caribeño, hendenan conecta, antes y awor’, tambe lo ta habri pa publico. Keda pendiente pa mas informacion tocante e anochi di presentacion cu lo sali pa otro siman den medionan di comunicacion y facebook Archeo, Nacional Archaeological Museum Aruba y Fundacion  1403.

- Advertisement -

DUNA COMENTARIO

Please enter your comment!
Please enter your name here