Relacion Aruba y grupo Maduro contra solucion Aruba

    597
    0
    SHARE
    - Advertisement -

    Merca lo deshaci di sancion contra Pequiven Colombia

    *Inventario di companianan grupo Maduro na Aruba ta wordo haci

    *Caso na Venezuela no ta persigui acusacionnan serio na Merca

    ORANJESTAD (AAN) — E posicion di Aruba den e investigacionnan internacional cu ta tuma luga, ta haya tur atencion di DIARIO. Uno di e puntonan tabata pakico Merca y Guaidó no a duna un contesta positivo riba e peticion pa deshaci di loke ta stroba e proyecto di Citgo Aruba wordo realisa.

    Informacion cu DIARIO a ricibi ta indica, cu Aruba a habri porta pa e grupo cu tabata mas yega na Nicolas Maduro den Citgo y cu awor ta directamente bou investigacion di Merca tambe.

    Merca mester sigura su mes cu e no ta duna oportunidad na personanan pa kende e mester cera porta pa nan relacion estrecho cu Nicolas Maduro.

    DIARIO a uza dos caso concreto di ultimo dianan pa haya mas informacion riba e hecho cu tanto Merca, cu a tene cuenta cu Curaçao, awor lo deshaci di medidanan pa Pequiven na Colombia como na e caso di Maduro contra su propio hendenan den Citgo.

    Segun informantenan Aruba ta contene un peliger pa Merca den e sentido cu tabata tin un relacion estrecho entre gobierno di Aruba y regimen Nicolas Maduro. Ta hopi dificil pa cualkier pais acepta cu gobierno di Aruba no tabata conoce e acusacionnan contra gobierno di Venezuela, cu Merca a lansa prome cu 2016.

    For di tempo di Chavez tin acusacion na Merca y varios otro pais liber di relacionnan hasta terorista di grupo Chavez/Maduro y Aruba mester a sigura su mes cu den e panorama cu tabata conoci pa henter mundo, e no a wordo inclui.

    Un punto importante ta cu Venezuela tabata negocia cu Aruba na mes momento cu e tabata cla pa entrega mita di Citgo na Maduro mientras cu ya tabata tin problema interno den e grupo di Maduro den Citgo pa financiamento di debe di grupo Maduro, uzando Citgo como borg.

    Ta e ultimo punto aki a haci cu awe Maduro kier hiba e grupo, cu tabata tin relacion cera cu Aruba, dilanti Hues na Venezuela.

    Mester tene cuenta cu den investigacionnan criminal andando na Merca, ta haci un inventario di tur compania y persona liga cu grupo Maduro, cu a establece nan mes na Aruba of ta uza Aruba como nan ruta posiblemente pa actonan criminal.

    Segun informacionnan e siman aki e compania Pequiven lo haya trato special di Merca cu lo no mantene sancion impone pa negoshi cu Venezuela, riba Pequiven.

    Esaki ta encera, cu e compania cu a haya un directiva nobo nombra pa Presidente Interino Guaidó,  lo no wordo afecta mas pa sancion di Merca y por duna continuacion na produccion normal.

    Mientras awor casonan criminal den seno di PDVSA y e grupo Maduro ta alcansa culminacion na diferente pais, DIARIO ta sigui compila tur informacion.

    - Advertisement -

    DUNA COMENTARIO

    Please enter your comment!
    Please enter your name here