Home General Tata di administrado di PDV Holding a admiti labamento di placa

Tata di administrado di PDV Holding a admiti labamento di placa

1115
0
SHARE
- Advertisement -

Gerente nobo di Citgo mester atende cu Fiscal Mericano

*Citgo Aruba mester a ricibi notificacion di caso penal

*Screening di Citgo y su funcionarionan a bira importante

ORANJESTAD  (AAN) — Un gerente general nobo di Citgo lo mester atende cu Husticia Mericano, cu a dagvaard Citgo pa ricibi documentonan importante den investigacion pa actonan criminal den e compania. Na Aruba mes, mundo politico ta sumamente silencioso y no ta menciona Citgo aunke informantenan ta indica cu Aruba tambe lo mester duna contesta riba preguntanan cu ta surgi.

Un informacion cu a subi mundo internacional di noticia ayera ta mustra, cu Citgo ta busca un gerente general (CEO) nobo pa asina reemplasa e Vice Presidente di e compania cu ta fungi tambe como CEO.

Tin miembro di staf di Citgo cu a solicita, pero un decision mester wordo tuma ainda.  Den prensa internacional ta wordo mustra cu e gerente nobo lo mester entrega documentonan solicita pa Fiscal di Merca den investigacion di corupcion den Citgo.

E compania cu no a duna indicacion kende lo bira CEO a mustra cu tur cooperacion ta wordo duna na autoridad.

Pa loke ta trata Aruba mes, informantenan ta insisti cu Citgo Aruba mester ta na haltura di e investigacionnan cu autoridad Mericano ta haci den seno di e compania na Merca y mester tin por lo menos conocemento di e situacion serio cu e compania ta confronta.

Citgo Aruba tambe por ricibi instruccion pa entrega material informativo na tanto Citgo Merca, cu a cuminsa cu su propio investigacion riba e rumbo cu placa a tuma, como na autoridad Mericano.

Pregunta cu mester wordo haci ta, kende a screen e miembronan di gerencia y personal di Citgo cu a haya permiso pa traha na Aruba. A trece dilanti cu trabou na Aruba tabata uno di e preguntanan di Raad van Advies na gobierno den e documento cu a cuestiona si por considera e acuerdo di Citgo como legitimo.

Mientrastanto mas documento cu DIARIO a ricibi ta referi na loke Marisol Gomez cu a entrega un caso contra Citgo a trece dilanti den su peticion pa haya compensacion despues cu el a ricibi su retiro.

Den e documentonan na Corte na Merca, Marisol Gomez ta trece dilanti cu e dirigente di Maduro na Citgo, Chavez, tabata tin miedo di loke Hues por a descubri si a investiga PDV Holding, cu ta fungi como doño di Citgo.  

Alphonso Gravina mester a aparece dilanti Hues na Merca pa responde e acusacion cu el a stroba Husticia di haci su trabou.  Tambe tin acusacion den su contra pa labamento di placa y duna informacion incorecto na Husticia.

DIARIO a ricibi e documento den cual el a admiti su culpabilidad na December dilanti Hues.

Segun informacion e tarea di e CEO nobo di Citgo no ta nada facil. Nicolas Maduro mes a anuncia cu un dia e lo bolbe mientras e ta ocupa actualmente cu habri un oficina di PDVSA na Rusia.

Pa Aruba mas incertidumbre ta keda colga pero na forma diferente di e promesanan cu a wordo haci cu e refineria of miho bisa upgrader.

- Advertisement -

DUNA COMENTARIO

Please enter your comment!
Please enter your name here