Cada siman di retraso den proyecto di Hospital ta costa pais Aruba 90 mil florin pa siman

    237
    0
    SHARE
    - Advertisement -

    Gina Maduro di ABV:  A yega ora pa SOGA atende cu contratista

    ORANJESTAD (AAN):  Gina Maduro di sindicato ABV di Hospital a duna di conoce cu ora cu e construccion di e hospital nobo a cuminza tabata tin diferente reto y cada fase tabata tin su problemanan.

    Un di e origen grandi di e problema ta e boiler cu a wordo instala paden. Un bes cu a start e boiler esaki tin efecto ariba e edificio bieu y si paga e boiler mesun cos pasobra no tin awa cayente, a bisa.

    Segun Maduro, na comienzo, ora cu e trahadornan a señala tur e problemanan nan no a wordo tuma na serio.

    ABV a sinta cu diferente instancia pa purba soluciona e situacion. Tabata tin midimento y raportnan cu a wordo haci.

    Recien nan a haya e ultimo raport pa loke ta e parti di radiologia y unda a haya Baptist cu a bin di dos biaha caba pa asina wak e puntonan cu mester wordo atendi, a indica.

    E construccion di Hospital tin diferente fase y cada fase tin su tempo. E problema ta sinta cu cada siman di retraso e proyecto ta costa pais Aruba 90 mil florin pa siman. Esey ta e conflicto cu tin continuamente entre bouw-commissie, contratista y cu SOGA pasobra Hospital ta facilita e lugar. E lugar no ta di Hospital pero di SOGA y e problema ta keda continuamente eynan, e representante di e trahadornan di HOH a expresa.

    Gina Maduro ta sinti cu tur e situacion aki ta pasando door cu Hospital mes no ta doño di e lugar compara cu ImSan, cual si ta doño di su mesun edificio. ImSan tambe tin su proyectonan y por wak con bon ta bayendo.

    A bisa cu SOGA mester atende cu e contratistanan y esey ta e problema, cu SOGA ta falta esey y tur e consecuencianan ta cay bao Hospital, e trahadornan y e pashentnan.

    ABV un par dia biaha a sinta cu SOGA y minister y a bisa nan cu mester atende cu e contratista y coi e toro na su cacho.

     

    - Advertisement -

    DUNA COMENTARIO

    Please enter your comment!
    Please enter your name here