Home Deporte Comision ta pidi ayudo pa  reconstrui Ripoldo Croes Ballpark

Comision ta pidi ayudo pa  reconstrui Ripoldo Croes Ballpark

75
0
SHARE
- Advertisement -

ORANJESTAD (AAN)- Ya pa mas di 3 luna caba tin un comision Ripoldo Croes Ballpark a lanta pa asina cuminza drecha na unda cu por pa asina reconstrui e tan famoso Ripoldo Ballpark na Piedra Plat.

Manera ta conoci  e  ballpark aki tabata uno hopi conoci pa hopi aña, caminda Sr. Ripoldo Croes q.e.p.d. a lucha fuerte pa e hobennan di bario y vecindario tin un bon ballpark pa train ariba. Pero poco poco e ballpark aki a bay atras y ya no tin ni muchanan por train eyriba ya cu e ta hopi decai y mester un mantencion basta grandi pa reconstrui e ballpark.

E comision consisti di Ghislaine Krozendijk, Robert Nieuw y Leo Vrolijk a expresa nan preocupacion cu nan tin pa e ballpark aki y a pone man hunto pa asina cuminza cu e renobacion di e parke.

Pero mirando cu cada bez nan ta haya nan mes cu mester di basta material y un man pa yuda cu e trabaonan, nan ta manda un peticion na e bario di Piedra Plat, na henter e pueblo di Aruba y tambe na comerciantenan pa yuda duna un man, tanto cu materiaal como tambe pa bay yuda nan cu e trabaonan cu tin pa haci riba e tereno aki.

Na e comerciantenan, segun Sr. Nieuw tin e oportunidad pa nan por pone nan propaganda riba e muraya na un prijs razonable y asina tambe ta contribui cu e ballpark.

Segun Leo Vrolijk nan ta riba e tereno tur Diadomingo y si tin cualquier persona, grupo di scout of otro gruponan cu ta willing pa duna un man, pa nan yega libremente. Cu cooperacion di cada un, nan ta spera cu pa aki 6 luna e ballpark lo ta full reconstrui y lo ta cla pa nos hobennan cuminza train atrobe riba e ballpark  aki.

- Advertisement -

DUNA COMENTARIO

Please enter your comment!
Please enter your name here