Home Policial Companianan di transporta piedra, mata of desperdicio mester respeta ley

Companianan di transporta piedra, mata of desperdicio mester respeta ley

225
0
SHARE
- Advertisement -

Bureau City Inspector:

ORANJESTAD (AAN):  Bureau City Inspector (BCI) por a constata durante di siman tras di lomba cu e dumptrucknan/pickupnan ta core sin tapa e baki di e truck.

Durante di control cu tur dia Bureau City Inspector ta hasi a bin tuma nota diabierna cu un truck di un compania di Piedra na Barcadera tabata transporta Piedra pa Barcadera y cu e truck aki no tabata tin un lona pa tapa e piedranan.

Mesora BCI a yega na e lugar caminda cu e piedra lo mester wordo deposita y a papia cu e doño di e compania pa por laga pone un lona ariba e dumptruck pa evita cu e piedra of desperdicio lo por cai ariba caminda publico.

E doño a priminti cu den futuro esey lo bay ta e caso. Diasabra durante di dia BCI a bin nota cu e trucknan aki tabata transporta piedra y sin cu esaki tabata tapa cu lona atrobe y pa e motibo aki BCI kier a pone tur doño di companianan di dumptruck pa uza un tapa/lona ora di transporta Santo/ desperdicio/Piedra/mata of cualkier otro material.

Den nomber di Bureau City Inspector kier a pidi cooperacion na tur cu ta transporta cualkier forma di desperdicio, santo Piedra of material pa Dump of otro destinacion, pa corda tapa esaki pa asina bo no susha Aruba y evita di haya un boet di polis.

Tur esaki ta a base di: Artikel 41 LANDSBESLUIT, houdende algemene maatregelen, ter uitvoering van artikel 8 van de Landsverordening wegverkeer (AB 1997 no. 18)
Citeertitel: Landsbesluit verkeersregels Vindplaats : AB 1999 no. 39 (inwtrt. AB 2000 no. 11)
Wijzigingen: AB 2000 no. 11; AB 2003 no. 4; AB 2010 no. 17; AB 2013 no. 48
Artikel 41
De bestuurder van een voertuig dat voorzien is van een open laadbak, dekt zijn lading af, indien de daarin vervoerde goederen uit de laadbak kunnen vallen of waaien.

Si abo ta wak algo raport’e na Polis of BCI.

Potretnan: Bureau City Inspector

 

- Advertisement -

DUNA COMENTARIO

Please enter your comment!
Please enter your name here