Home Beyeza Diadomingo tin certamen di Miss Teen Aruba International 2019

Diadomingo tin certamen di Miss Teen Aruba International 2019

45
0
SHARE
- Advertisement -

ORANJESTAD (AAN): Diadomingo 14 di Juli lo tuma lugar den Cas di Cultura e certamen di Miss Teen Aruba International. E aña aki GLW Foundation por mira atras riba un temporada interesante atrobe pa e certamen.

No obstante cu ta solamente 3 candidata nan tin, tin di menciona cu nan a ricibi un sin fin di seminario y otro eventonan social cultural pa preparanan na nivel international.

Diadomingo anochi, Leedha Harms, Chantal Conradus y Ileyna de Cuba lo competi pa e corona Miss Teen Aruba International, tambe lo corona Miss Teen Nuestra Belleza International y Miss Teen Princess Universe.

Pa esnan cu ta interesa den carchi pa apoya e candidatanan, lo bende esaki awe Diasabra tambe na Cas di Cultura, y na porta riba Diadomingo.

Show ta cuminsa pa 8or di anochi y lo tin presentacion di Popcorn Dancers y tambe hobennan talentoso di Gang di Arte.  GLW Foundation kier a yama danki na tur seminarista, organizacion y tur persona cu a yuda nos den e temporada aki cu nos hobennan.

Riba e potretnan aki por mira un recien sesion di fotografia, unda e candidatanan a presenta nan mes igual cu mannequin.

- Advertisement -

DUNA COMENTARIO

Please enter your comment!
Please enter your name here