Alan Howell di POR:
ORANJESTAD (AAN): Parlamentario Alan Howell a mustra cu e ta contento di por scucha y mira cu e expectativanan ta masha halto mes pa loke ta e hotel di 5 strea cu lo wordo construi na San Nicolas.
E ta bisa cu especialmente e habitantenan di pariba di brug ta desea di ta na bida pa wak e hotel bira realidad.
Alan ta remarca cu dia cu e hotel en cuestion keda cla lo tin hopi hende cu awa na wowo y curpa tur na kippenvel di emocion. Un hotel 5 strea na San Nicolas lo trese un cambio grandi sigur den e desarayo economico di pariba di brug.
Cuponan di trabou lo wordo crea, taxistanan lo tin sigur motibo pa mobilisa pariba di brug, tiendanan y restaurantnan lo haya bida bek, lo tin oportunidad pa companianan existente y nobo establece pariba di nos isla y asina hopi mas.
“Aruba keda pendiente pa e ground breaking cu lo tuma luga pronto marcando e inicio di e proyecto prestigioso aki”, Alan Howell a finalisa.
