ORANJESTAD (AAN):Tabata den oranan di marduga den careda di 2’or, central di polis a dirigi patruya San Nicolas na un adres na Isaac Wagemakerstraat relaciona cu kiebro den cas.
E patruya di polis mientras tanto a presenta na e cas y e polis a atende e señora inicial A. y e ta declara e lo siguiente. El a bisa cu Diabierna banda di 7’or di anochi el a bandona cas y a sera esaki y a lage intacto y na lock atras.
Marduga pa alrededor di 1’or el a bolbe cas y a ripara cu porta pazuid a wordo forza. Denunciante tin sospecho cu e intrusonanpa medio di a usa un bleki di insecticida “Pief Paf” pa forza e porta, y asina a logra drenta cas.
E bleki ta basta fuerte, y el a haci uso di dje pa forza e porta.
E doño awor a controla cambernan y a ripara cu porta di camber a wordo destrui y a constata tambe cu tur cos den su camber a wordo reboltea.
Denunciante a controla pa conclui kico ladron a bay cune. El a ripara cu diferente articulo a wordo horta y e no a duna ningun hende permiso pa a kibra drenta horta den su cas. Keho ta tuma y Central di polis a wordo poni na altura.
