Home Turismo Lo bay construi un brug nobo pa pasa riba Natural Bridge

Lo bay construi un brug nobo pa pasa riba Natural Bridge

2950
0
SHARE
— E brug lo ta duradero di material anti-corosivo, y por wanta 500 hende riba dje.
- Advertisement -

ORANJESTAD (AAN): E fecha 2 di September 2005 ta un fecha cu Aruba semper lo recorda. Riba e dia aki Aruba su mundialmente famoso Natural Bridge a cay den otro. Noticia di e collapse a atrae hopi local na e lugar pa mira loke a resta di un atraccion hopi popular riba e isla.

Aruba su Natural Bridge, cu tabata un pida di un cueba antiguo forma di piedra coral, tabata midi 7.6 halto y 30 meter largo. Miles di turista tabata crusa e brug tur aña y keda asombra pa su bunitesa. Pa hopi aña e imagen di Aruba su Natural Bridge a worde usa pa promove e isla. Te dia di awe turista y local ta keda bishita e lugar.

— Asina Natural Bridge tabata.

Ta for di un tempo caba tin un grupo ta trahando intensivamente hunto tras di cortina pa por realisa un proyecto pa restablece e lugar aki como un atracción adicionalmente na brug natural aki.

E idea pa e proyecto aki a sali di e comandante di Marinierskazerne. E proyecto ta encera construccion di un brug publico nobo y innovativo, cu materialnan duradero cu por worde instala riba e Natural Bridge derumba actual. E ta representa un brug entre pasado y presente.

Pa realisa e Proyecto a establece un fundacion cu e meta pa crea un atraccion adicional na e Natural Bridge. E proyecto aki lo contribui na e desaroyo social economico di e isla.

Despues di a consulta cu gobierno ariba e importancia di e realisacion di e proyecto aki pa Aruba pa un sostén inicial, e fundacion a acerca AIB pa asisti y sostene e fundacion cu su experticio extenso den maneha proyecto.

Pa por duna inicio formal na e proyecto aki y pa pusha den dirección di ehecucion, recientement  21 di juni 2019 e fundacion ‘Bridging the Natural Bridge’ a firma un Memorandum of Understanding cu AIB Bank N.V. (AIB) pa maneha e ehecucion di e proyecto  Natural Bridge. E brug nobo ta solamente pa peaton y ta bay por carga aproximadamente 500 persona.

Turista y local lo por contempla  y admira e bunita brug nobo, e Natural Bridge original y paisahe rond di e Natural  Bridge.

- Advertisement -

DUNA COMENTARIO

Please enter your comment!
Please enter your name here