Plan nobo di ROP mester bira ley dia 18 di Juli 2019

    105
    0
    SHARE
    - Advertisement -

    DIP ta bezig contestando tur ‘zienswijze’

    ORANJESTAD (AAN): Director di DIP, Haime Croes a indica cu dia 15 di Januari pa 15 di Februari y 15 di Maart tabata e ‘inzage’ cu e ‘zienswijze’ periodo unda cu pueblo a haya chens di entrega nan ‘observacionnan’ ariba e ROP nobo.

    Tin un ley, a remarca LRO cu ta duna e espacio pa contesta e hendenan bek ariba loke nan a mira of constata.

    Aworaki ta den e fase unda a revisa tur e ‘zienswijzen’ y ta pone cu tin cierto cambionan cu tin cu bay haci den e ROP pa loke ta trata e toelichting y tambe contesta e hendenan, Croes a indica.

    Ta den e fase unda tur hende ta bay haya un contesta. Ora cu DIP caba di contesta tur e observacionnan, ta pone esaki den un nota, cu lo bay hunto cu e plan nobo di ROP cu mester wordo pasa y bira ley dia 18 di Juli 2019.

    Haime Croes a señala cu nan ta bay ta mandando email pa tur e personanan cu a haci algun observacion y nan lo wak den notanan di e concepto di e ROP nobo nan contesta. Ta hacie asina pasobra ley no ta bisa con tin cu hacie y ki ora tin cu mande. Ley ta bisa cu tin cu contesta e hendenan cu a entrega nan ‘zienswijze’ y den e nota cu tin cu entrega dia 18 tur hende lo por wak e contesta.

    Croes a indica cu e ROP ta un beleid di gobierno y eyden a pone funcionnan di henter Aruba. Basicamente loke a pone den e ROP nobo cu e cambionan cu a bin a base di ‘zienswijze’ ta loke tin cu tene cuenta cu nan.

    Si tin areanan protegi, natuur, no por construi eynan. Tambe DIP ora di duna un tereno mester percura pa duna e persona un tereno unda por construi cas y no na un area industrial. “Nos como DIP ta e prome pa percura cu nos ta cumpli cu nan tereno den e funcion cu e ROP nobo ta bisa nos”, Haime Croes a manifesta.

    Sinembargo, a agrega, DIP no por keda traha solamente cu ROP. Tin cu bay pa e di dos fase cu ta e ROPv. Den pasado a  mira e parti di ROP unda ta mira cu toch pueblo ta dicidi di corta magroves, traha pier sin permiso.

    Ta haya tambe gobernantenan cu ta tribi di pone un verkabelings plan den groengebied y sin sancion, a bisa.

    Pa evita tur loke a pasa den pasado awor ta necesario pa bin cu e ROPv pa garantiza cu loke ta pone ariba e ROP ta pasa tambe. Pa esey ta bin cu e ROPv cu ta nifica cu e funcionnan cu a defini den e ROP tambe ta mara na cierto normanan.

    Kiermen, bo ta biba den un bario unda tin cierto establecimento den e bario, cierto parkeerplaat, etc. Ariba lugarnan industrial tambe tin cierto normanan. E ora tur hende ta mas duidelijk tambe ora cu ta biba den un bario, unda por tin e garantia pa un calidad di bida halto, e director di DIP a expresa.

    - Advertisement -

    DUNA COMENTARIO

    Please enter your comment!
    Please enter your name here