- Advertisement -
ORANJESTAD (AAN): Cuerpo Policial a cuminsa un buskeda intenso despues di informacion a drenta un detenido a huy for di Warda di Polis na Sta Cruz. Pa 4:15 e bewaker di CEA, kende ta atende cu presonan na Warda di Polis a informa chef van dienst di Distrito di Santa Cruz cu un detenido a caba di huy.
E detenido a wordo identifica como Erick Arturo Minguel Junior Schneiders, conoci como “Miguel”, naci na Aruba, dia 29 December 1994.
E detenido aki ta sera pa un caso di asesinato y e ta sera na warda awo pendiente di un otro caso di intento di asesinato.
Polis a enfatiza cu e detenido aki ta sumamente peligroso y a urgi pueblo cu si nan tin cualkier informacion, pa yama tiplijn 11141.
- Advertisement -
