Home General Sindicato di Hospital no tin confianza mas y a urgi un investigacion...

Sindicato di Hospital no tin confianza mas y a urgi un investigacion externo na Hospital

91
0
SHARE
??
- Advertisement -

Gina Maduro papiando di intimidacion na pia di trabao y otro asuntonan

ORANJESTAD (AAN):  Gina Maduro di Sindicato ABV a duna di conoce cu nan a tuma nota di un articulo cu a sali recien tocante e situacion di Laboratorio di Hospital.

ABV desde un prome instante tabata contra e nombracion di e manager. Nan tabata tin obhecion pa motivo cu ora cu nan a wak e profile di e funcion y cu e persona aki no ta fit den e profile.

Segun Maduro, nan ta un di e promenan cu a bisa cu no ta di acuerdo y cu tabata tin obhecion ariba esaki. ABV tabata sa tambe cu tabata tin un local cu si tabata fit den e profile cu a solicita y cu a wordo rechaza.

Den transcurso di e lunanan, ABV a mustra varios biaha e señalnan di mal maneho y funcionamento di Laboratorio ariba su mes. Eyden tin miembronan cu continuamente tabata acerca e sindicato pa diferente problema, a señala.

E prome departamento cu tabata tin basta problema ta Pathologie Afdeling, unda cu e el a referi na un patologo kende hunto cu e manager di laboratorio tabata haci bida di e trahadornan imposibel. A laga sa cu intimidacion tabata punto di ordo y asina por sigui menciona.

Tabata tin un ocasion unda cu te hasta gerencia a prohibi ABV di subi departamento di Laboratorio pa papia cu e miembronan y na unda nan tin cu dirigi directamente na e Raad van Bestuur.

Segun Gina Maduro, e manager di Laboratorio tabata protegi di tur forma y man poni ariba su cabez door di gerencia.

Aworaki ABV ta preocupa pa e miembronan cu ta wordo intimida cu nan no mag di papia.

Diaranzon mainta, ABV a manda un carta pa Raad van Toezicht unda ta pidi un reunion urgente unda ta urgi pa bin cu un investigacion externo (obhetivo) pasobra no tin confianza mas.

Maduro a duna di conoce cu e investigacion mester bay determina si tur cos ta cuadra, pero e sindicato ta sigur cu tin mal maneho. Desde e dos añanan cu a fundacion ta existi continuamente tin problemanan na e laboratorio. Tin tur sorto di problema. Den maneho, falta di material na tempo, y tambe e maltrato di e trahadornan, etc.

El a indica cu e departamento ta draai y ta un stichting nobo cu a bin cu un bon intencion, pero pa por haci un bon investigacion e manager den cuestion, no mag ta den su departamento, a remarca. A agrega cu tambe na e departamento di pathologie, cu tin acceso na e sistema, pa nan no manipula e sistema.

Finalmente, Gina Maduro a laga sa cu nan a urgi e management di hospital pa sinta mas lihe posibel. E investigacion a cuminza caba, pero kier un investigacion externo y profundo. aA bisa cu ABV no kier mas e manager di laboratorio mas ya cu for di e prome dia e persona aki no mester a traha eynan.

“Gerencia mester tuma su pasonan y Raad van Toezicht cu a permiti esaki hunto cu Raad van Bestuur, pasobra nan tur ta responsabel pa esaki awe”, a expresa.

 

- Advertisement -

DUNA COMENTARIO

Please enter your comment!
Please enter your name here