Home Salud Aruba mester prepara pa e temporada di Dengue

Aruba mester prepara pa e temporada di Dengue

69
0
SHARE
- Advertisement -

Hulanda a bati alarma pa cantidad di turista afecta

Peliger di Dengue ta sigui crece mundialmente 

ORANJESTAD(AAN)– E forma cu e sangura di Keintura Geel cu tambe ta produci malesa manera Dengue a plama, tabata motibo pa alarma wordo bati dor di e organisacion mundial di salud, WHO, adverti poblacion mundial.

Mientrastanto e peliger a sigui crece y uno di e paisnan caminda Cruz Cora a lansa un campaña di advertencia ta Hulanda.

Cifranan a demostra cu e cantidad di turista Hulandes cu a wordo interna den hospital durante di nan vacacion pa motibo di Dengue, a aumenta na forma alarmante.

Informacionnan cu DIARIO a compila ayera ta indica cu Aruba tambe mester cuminsa prepara pa e temporada cu por spera yobida y ta produci mas chens pa e sangura di Keintura Geel cu ta produci Dengua y Zika entre otro plama.

Na Asia ta papia di un epidemia cu problema pa wordo controla pero cambio di clima a haci cu e sangura a amplia su teritorio mundial.

E sangura ta plama na paisnan cu ta importa productonan for di paisnan tropico manera paisnan Asiatico ya cu e ta sconde den por ehempel tire di vehiculonan.

Pa Aruba e preparacionnan pa combati cualkier surgimento di e sangura, mester wordo haci na tempo, segun informantenan cu a indica cu e crecemento di poblacion y sistemanan di bida tambe ta aporta na plamamento di insecto.

DIARIO ta sigui traha riba e informacion aki pa tene Aruba informa.

- Advertisement -

DUNA COMENTARIO

Please enter your comment!
Please enter your name here