Home General Aruba mester prepara pa turbulencia mundial 2020

Aruba mester prepara pa turbulencia mundial 2020

332
0
SHARE
- Advertisement -

Despues cu e bom di Citgo a rementa den su man

*Interferencia mundial pa eleccion presidencial na Merca

*Economia mundial den shock ta registra caida oficial

ORANJESTAD(AAN)–“Si na 2016 e berdad di e situacion Arubano a wordo presenta na pueblo, Aruba lo no a sinti e dolor di e crisis cu e ta pasa aden actualmente.  Mundo ta den un crisis severo y Aruba sigur mester wordo prepara pa e resultadonan cu e caida economico mundial actual lo contene.”

Informacionnan cu DIARIO a ricibi ayera di informantenan a confirma e situacion pa cual DIARIO a adverti pa basta dia.

Pueblo di Aruba mester wordo prepara pa un futuro den cual Aruba mester bay adapta su mes na un situacion financiero y economico cu por resisti e desaroyonan cu ta sigui otro.

Na 2016, ora pueblo di Merca a bay urna electoral y Donald Trump a bira Presidente di e pais, Aruba tabata den un mundo di fantasia total cu e proyecto Citgo tabata representa pa e pais.

“Na 2016 Aruba a wordo pinta e imagen di reconciliacion entre Presidente Barack Obama y gobierno comunista di Cuba. Ora Mike Eman a bay atende cu Nicolas Maduro na Cuba, e relacion aki a wordo uza pa stroba Aruba mira e riesgo grandi cu e pais tabata enfrenta cu negociacionnan cu Nicolas Maduro,” informantenan a mustra.

Nan a indica cu falta di informacion ta crea problema grandi pa un pais y esaki a haci cu e bom di Citgo por a rementa den man di Aruba.

“Aruba mester prepara pa e realidad mundial cu ta debi pa un parti importante na e eleccionnan presidencial 2020 na Merca, caminda te ainda Partido Democratico di e pais no por presenta un candidato pa enfrenta Donald Trump,” a wordo treci dilanti.

Ta conoci cu gobiernonan di Partido Republicano ta mucho mas directo den nan acercamento enfrente entre otro comunista y e peligernan cu por mishi cu bienestar Mericano. Hopi bes e Partido Democratico ta asumi un tolerancia enfrente paisnan cu ta contra Merca, mientras Partido Republicano ta confronta e situacionnan cu accion.

“Presidente Reagan a introduci Star Wars y ta parti di Star Wars a wordo uza na Irak den e guera di Golfo. Presidente Bush a habri porta pa e caida di Union Sovietico.  Donald Trump a confronta avance comunista den America Latino pero tambe na paisnan Balkan,” a wordo treci dilanti.

Actualmente pa medio di Partido Democratico, socialismo a infiltra directamente den Congreso Mericano cu ta wordo considera enemigo di regimen comunista.

Ayera e mercado di balor na Merca a cay cu 800 punto a base di desaroyonan den e conflicto China/Merca cu ta un di e desaroyonan cu mundo ta observa.

E ta parti di e escenario cu por spera den e proximo aña ora e momento ta yega pa e sistema di eleccion na Merca, produci un candidato pa Partido Democratico.

E insiguridad ta internacional, manera DIARIO a adverti siman pasa. e situacion a sigui empeora.

Aruba mester atende awor cu Hulanda pa yega na un diversificacion di economia pa asina enfrenta e situacion mundial den e crisis cu Aruba ta actualmente.

- Advertisement -

DUNA COMENTARIO

Please enter your comment!
Please enter your name here