Home Impuesto Awe ta ultimo dia haya yudanza pa yena formulario di belasting den...

Awe ta ultimo dia haya yudanza pa yena formulario di belasting den e sede di MEP

20
0
SHARE
- Advertisement -

Entre 9 or di mainta pa 1 or di atardi:

ORANJESTAD (AAN) – Den e sede di MEP, Prome Minister mr. Evelyn Wever-Croes y su team, tabata presente e siman aki y te cu awe, Diasabra 24 di Augustus, pa yuda e personanan cu mester yena nan papel di belasting corectamente.

E mandatario a expresa na DIARIO, cu costo di bida ta hopi halto na Aruba, pero tur hende mester cumpli cu paga nan belasting, pero e ta pidi e contribuyentenan pa no paga ni un florin mas, ni 250 florin di boet, y pa evita esaki mester yena e formulario corectamente, y pesey e hunto cu su team tey pa yuda, te awe diasabra 24 di Augustus cu e campaña aki ta termina. Nan lo tey na Sede di MEP di 9or di mainta te 1 or di merdia.

Ultimo dia pa entrega e formulario ta dia 2 di September.

E lider di MEP a gradici tur e personanan cu a bin pa a deposita nan confianza, y el a mira cu tin un necesidad y un interes hopi grandi pa yena e formulario.

Tambe e ta gradici tur e profesionalnan cu ta yude pa yena e formulario, cu danki na nan esaki ta posible.

- Advertisement -

DUNA COMENTARIO

Please enter your comment!
Please enter your name here