Carlos Jorda lo negocia fin contracto Citgo Aruba

    853
    0
    SHARE
    - Advertisement -

    Hues na Merca a confirma autoridad Guaidó den Citgo 

    *Despues di militarnan Aruba lo topa cu un veterano petrolero

    *Investigacionnan criminal lo sigui cu yudansa di CEO nobo 

    ORANJESTAD  (AAN) — E decision di Corte di Delware ayera ta confirma cu na e momentonan aki Juan Guaidó tin e autoridad pa dicidi riba gerencia di e compania estatal Venezolano, Citgo.

    Den e cuadro aki tambe Hues a confirma cu e Hunta di Directiva di Citgo cu Juan Guaidó como Presidente Interino, a base di e decision di Asamblea Nacional, a nombra pa Citgo, ta wordo reconoci como gerencia oficial di Citgo na Merca.

    Den e serie di casonan cu Corte na Merca mester a atende relaciona cu Citgo, a wordo añadi e caso cu e Hunta di Directornan nombra pa regimen Maduro a cuminsa recientemente contra e Hunta cu Juan Guaidó a nombra.

    E grupo di Maduro a opone e hecho cu e grupo di Guaidó a haya autoridad den Citgo y a cuminsa un caso den Corte, cu ayera a dicta sentencia, cu awor ta haci oficial pa e grupo Guaidó por atende asuntonan importante cu ta spera.

    Na prome luga e hecho cu segun Hues ta grupo Guaidó ta dicidi ta nifica, cu e CEO nobo cu e directiva di Citgo a nombra, oficialmente por haci su trabou.

    E mester cuminsa atende e refinanciamento di e debe na cual e parti mas grandi di Citgo ta mara como borg. Ta trata aki di e debe 2020, cu Nicolas Maduro a cera na 2016 cu un grupo Mericano/Britanico y cu tabata asina importante pa Maduro cu el a encarcela e grupo di Nelson Martinez cu tras di su lomba a bay busca otro grupo den e tempo cu tabata negocia cu Aruba tambe.

    Pa Aruba e sentencia di Hues ta confirma cu Aruba mester bay negocia kiebra di e contracto cu Citgo cu e CEO nobo cu awor tin un nombramento cu sosten di Corte di Merca.

    Tanto Nelson Martinez como Asdrubal Chavez tabata militarnan na servicio di Chavismo. Awor Aruba mester bay negocia cu un veterano cu un carera largo den mundo petrolero.

    Ta su persona mester dirigi e empresa cu mester yuda Gobierno Mericano haya contesta den casonan criminal, cu ta inclui placa di Citgo cu a wordo manda Aruba pero aparentemente no ta aparece den e administracion di Citgo Aruba.

    E grupo di Maduro por apela e sentencia di Hues mientras e grupo di Maduro mester mira con sin e placa cu e tabata saca for di Citgo, den un desastre financiero di PDVSA e por mantene su mes riba pia.

    - Advertisement -

    DUNA COMENTARIO

    Please enter your comment!
    Please enter your name here