Home Comercio Comercio y consumidor cu bon aceptacion di florin di papel nobo

Comercio y consumidor cu bon aceptacion di florin di papel nobo

116
0
SHARE
- Advertisement -

Director di Banco Central satisfecho:

ORANJESTAD (AAN) – E director ehecutivo di Banco Central sr. Prakash Mungra, a wordo acerca pa DIARIO, pa haya informacion tocante con e proceso ta canando relaciona cu e edicion nobo di florin den papel y ki expectativa e publico (consumidor y comercio) mester tin despues di e fecha limite pa uza e florin di papel bieu, cu ta 11 di Augustus awo.

Sr. Mungra a comenta cu e proceso di cambio tabata bastante largo y BC a duna basta informacion via prensa, folder, sesionnan informativo, etc., y nan ta pensa cu e publico ta bon na haltura pa ta bon prepara caba.

Director di Banco Central a señala cu fluho di uso ta bayendo bon. Esaki ta e señal cu nan ta hayando. Sr. Mungra a expresa cu tur operacion grandi tin su retonan, pero nan ta hopi positivo y contento cu tur cos ta bayendo bon, nan ta hopi satisfecho y gradici cu e sosten di e publico en general.

E circulacion di florin di papel, riba e mercado ta canando manera Banco Central a premira y aunque dia 11 di Augustus ta e ultimo dia pa uza e papel bieu, ya caba mas florin nobo ta den caha di e comerciantenan.

Ya pa dialuna 12 di Augustus, cuminzando otro siman, e comerciante no mag acepta florin bieu mas. Pero e publico por bay cambie den banco comercial. E papel moneda bieu no ta perde su balor, pero e no por wordo uza mas den e ruta economico, sr. Prakash Mungra a reitera.

E ta sugeri tur persona cu por tin florin bieu ainda, pa cambie den banco comercial pa e por use den comercio, prome cu dia 12 di Augustus. El a comenta cu ainda no tin nada palabra pa cambio di e florin den moneda.

- Advertisement -

DUNA COMENTARIO

Please enter your comment!
Please enter your name here