Home Policial Dama cu tabata recuperando di drogadiccion a fayece di posible overdosis

Dama cu tabata recuperando di drogadiccion a fayece di posible overdosis

4170
0
SHARE
- Advertisement -

Diasabra atardi

ORANJESTAD (AAN): Diasabra atardi banda di 5:30 pm, yamada a drenta na Centro di Alarma cu den un edificio den Elleboogstraat tin un persona benta abao cu a bira basta malo.

Inmediatamente a despacha un unidad di Ambulans pa e area.  Cu luz y sirena e unidad aki a yega den Elleboogstraat.  Nan a core full rond den Elleboogstraat pero no a mira nada.  Finalmente nan a sali bek den e pida caya di Elleboogstraat cu ta yega bek riba Emanstraat.

Aki ta unda un hende a hala nan atencion, cu e entrada pa e edificio ey ta net pariba di edificio di ICR Tech, pues en realidad nan mester ta na Emanstraat.

Un rato despues Polis tambe a yega, y asina a observa e situacion.  Den e edificio a bin haya un dama di 35 aña cu casi no ta reacciona.  Como cu lo mester di yudanza pa saca e dama for di e edificio, a solicita yudanza di e hombernan musculoso di Cuerpo di Bombero pa bin duna un man.

Paramediconan a traha rapidamente riba e caso, y ora cu a stabiliza e persona, hunto nan tur a carge y asina a yega cune den Ambulans, y cu sumo urgencia a bay cune Hospital.

Pa por dune mihor tratamento, autoridad na e lugar a puntra varios Choller kico exactamente a pasa pa asina docternan por sa con pa atende.  Pa como 4 ora largo a dune tratamento, haci saminacion, y vigilancia na Hospital.

Sinembargo pa 9:47 pm, Docter na Servicio di Emergencia a keda ningun otro recurso sino declara morto di Danica Hanna Richardson, naci na Aruba dia 1 di Februari 1984, pues tin 35 aña di edad.

Docter den mesun declaracion, a bisa cu e morto aki ta uno “no-natural”.  Esaki mesora ta habri caminda pa autoridad hudicial wordo poni na altura.

Vocero di Polis, Liliana Rasmijn a confirma cu Recherche a wordo notifica y un investigacion a cuminza.  Ta bay traha awor a base di declaracion di chollernan, cu e dama tabata eyden di basta trempan ta dal su curpa cu e droga cu nan yama ‘base’, y nan ta pensa cu su curpa a shut-down debi na overdosis.

E detaye extra cu nan a haya, ta cu den pasado e dama Danica a haya yudanza y a laga e vicio aki atras.  Pa hopi di su amigonan, tabata un sorpresa cu el a cay den tentacion atrobe y riba Diasabra a usa e droga aki te di mas.

Vocero a bisa cu Departamento di Slachtofferhulp a acudi tambe pa asisti famia.

E investigacion ta sigui.  Riba potret por mira momento cu Ambulans a caba di yega na e adres, cu ta parti patras di e edificio di 3 piso unda antes tabatin un gimnasia.

Na famianan di e fayecida, DIARIO ta manda palabranan di condolencia.

- Advertisement -

DUNA COMENTARIO

Please enter your comment!
Please enter your name here