Home Beyeza Daniela Piazzi corona como Srta. Aruba 2019

Daniela Piazzi corona como Srta. Aruba 2019

490
0
SHARE
- Advertisement -

ORANJESTAD (AAN): Diasabra atardi na Aruba Experience Café tabatin un ronda di aplauso, na momento cu Isai Labadie a presenta Daniela Piazzi, cu a bira Srta. Aruba 2019.

Posteriormente, Anouk Eman (Srta. Aruba 2018) a haya e honor pa pone e sjerp y tambe e corona di Srta. Aruba 2019, riba cabez di Daniela Piazzi.

E lo representa Aruba proximamente na e certamen di Miss International na Japon.

Daniela tin 22 aña di edad, y e ta studiando “International Relations and Media Communication” na Webster University, unda e ta alavez un miembro activo di comunidad di discurso y debate, y tambe miembro di honor society for international relations.  El a caba di core stage na FuturA, cu ta e Departamento di Inovacion di Gobierno, unda el a siña di e necesidad di comunidad y e mensahe cu Aruba kier manda rond mundo.

“Mi ta hopi honra di ta bay representa Aruba e aña aki na Miss International na Toyo (Japon) e November venidero,” Daniela a indica den un discurso chikito.  E ta ancioso pa conoce mas di e intercambio cultural, como cu semper e ta un viahero activo y tin hopi interes pa mira con cultura ta forma identidad, con cultura ta forma hende rond mundo.”

El a bisa di ta spera di por haya sosten di Aruba ora cu e bay representa e isla na Japon.

 

- Advertisement -

DUNA COMENTARIO

Please enter your comment!
Please enter your name here