Home Enseñanza Diahuebs e proyecto SAM ta cuminza den tur scol preparatorio

Diahuebs e proyecto SAM ta cuminza den tur scol preparatorio

352
0
SHARE
- Advertisement -

Enseñanza den cuater idioma:

ORANJESTAD (AAN) – Minister di Enseñanza, Ciencia y Desaroyo Sostenible, den conferencia di prensa Dialuna, a expresa cu Diahuebs awor ta un dia historico pa Aruba su sistema di enseñanza, pasobra e Scol Arubano Multilinguial (SAM), na nivel nacional, ta cuminza den tur scol preparatorio.

E dignatario a señala cu tur scol preparatorio den e prome aña ta bay cuminza cu e sistema multilingual, unda den forma di hunga, canticanan, nan ta bay haya les na Papiamento y ta bay tin contacto cu Ingles, Spaño y naturalmente, cu Hulandes. Papiamento lo ta e Idioma Principal.

“Esaki ta e idiomanan cu den nos sociedad multilingual nos tin. Nos ta cuminza cu e chikitinnan y asina sucesivamente, pa 2030 tur scol na Aruba, manera nos plan nacional di educacion 2030 ta señala, lo ta scol multilingual”, Minister Lampe a expresa.

E mandatario a acentua cu ta comproba cu ora un mucha crece den un ambiente di aprendizahe multilingual su desaroyo cognitivo ta hopi mas halto. Gobierno tin hopi spectativa cu e plan aki. Seguidamente Minister Lampe a pasa palabra pa señor Richard de Mey, ken el a introduci den e conferencia di prensa aki, como un yiu di tera cu a ricibi reconocimento na Merca, na Connecticut como e mihor profesor di Idioma.

- Advertisement -

DUNA COMENTARIO

Please enter your comment!
Please enter your name here