Home General Douaneronan a fada di warda riba areglo di nan structura salarial

Douaneronan a fada di warda riba areglo di nan structura salarial

71
0
SHARE
- Advertisement -

For di 2016 ta wardando y awor ta duna gobierno un ultimo chens

ORANJESTAD (AAN):  Eduard Maduro representando Sindicato SADA di Aduana, a duna di conoce cu siman pasa tabata tin un reunion cu a bay bon.

E punto cu a resalta ta e mal disgusto pa locual ta trata e structura salarial cu a wordo firma na aña 2017.

Maduro a bisa cu aña pasa por corda cu varios biaha nan a manifesta pasobra nan no tabata haya un claridad di gobierno a actual ariba con nan ta wak e situacion. Door cu SADA no tabata haya  claridad e tempo ey, a pone cu a haya presion di e miembronan pa asina por a busca e atencion pa asina haya un contesta definitivo di parti di gobierno y trece dilanti e convenio cu a wordo firma na 2017.

Eduard Maduro a indica cu despues di algun corespondencia cu Minister y despues di algun walkout a bin haya carta di gobierno cu nan ta respeta e convenio. Gobierno a splica SADA cu mester a duna prioridad na e presupuesto 2018 cu mester a pasa su trayecto huridico y pasa Raad van Advies.

Pesey Gobierno a pidi tempo pa asina por a duna presupuesto prioridad. Esey a wordo splica na e miembronan y esey a wordo comprendi. Despues a wak cu no mucho cos a sosode y atrobe no tabata tin mucho claridad ariba diferente aspecto.

Aworaki tin 20 luna caba cu SADA no a haya claridad y nan ta practicamente mesun caminda. Nan tin entendi cu e Landsbesluit h.a.m. pa regla esaki ta cla. El a yega Ministerraad pero parce cu tin mas advies acerca. Un di nan tabata un advies negativo di parti di Departamento di Recurso Humano (DRH).

SADA a bisa e minister cu pa nan DRH sea no ta compronde kico nan ta haciendo pasobra ta un structura cu DRH mes a propone y cu e miembronan a dicidi pa acepta tal structura, a remarca.

SADA tabata tin nan propuesta y a presenta esaki na minister e tempo aya na DRH. DRH bao instruccion di minister a bin cu algun contra proposicion. Tres propuesta cu DRH a presenta, e ultimo e miembronan a dicidi di a bay di acuerdo cu esey.

A pidi pa e structura salarial drenta na vigor 1 di Januari 2016. E tempo ey minister a bisa cu no por pasobra ya caba e tempo ta bira mucho hopi caba y a bay den convenio e ora cu esaki lo bay bira efectivo 1 di Januari 2017.

Eduard Maduro a lamenta cu ora cu tabata kedando cla pa 2017, minister a bisa cu mirando cu ya caba e raportnan di kwartal a sali y cu e no por bay bek te januari 2017, atrobe e miembronan a bolbe entrega y a bisa cu ta bay di acuerdo pa hala e fecha te 1 januari 2018.

E miembronan di Sindicato SADA ta hopi fada di tanto “bay bin bay bin” y pa e motibo ey a manda un ultimo peticion pa gobierno. Desde April ta buscando un reunion cu Prome Minister por medio di Mediador di Gobierno. Nan ta wak cu DRH no ta kedando cla y ta comosifuera un wega tin.

SADA ta urgi un reunion cu DRH, cu Prome Minister y Minister di Finanzas. E miembronan a laga sa cu nan lo duna gobierno un ultimo oportunidad pa yama un reunion, Eduard Maduro a expresa.

Parce cu placa no ta un ‘issue’, “pero si tin e placa pakico tanto biramento”. Eynan ta caminda cu e miembronan ta hopi fada y ta exigiendo pa duna nan splicacion, Maduro a finaliza bisando.

- Advertisement -

DUNA COMENTARIO

Please enter your comment!
Please enter your name here