Home Gobierno E flota nobo di Arubus ta pa brinda un servicio cu tur...

E flota nobo di Arubus ta pa brinda un servicio cu tur usuario por depende di dje

29
0
SHARE
- Advertisement -

Tarifa no ta bay aumenta:

ORANJESTAD (AAN) – Den conferencia di prensa di Gobierno, Diahuebs, Minister di Transporte, Trafico y Comunicacion, y Sector Primario, a update informacion tocante e flota nobo di Arubus.

E mandatario a menciona cu siman pasa a saca e flota nobo for di waf y a hibe na e comerciante cu a gana e bid y asina aki e prome ocho unidadnan nobo pa Arubus a yega Aruba.

Minister Romero a admiti cu enberdad e proceso tabata largo y di biaha el a gradici Parlamento cu a colabora den e presupuesto 2018, den cual a pone fondonan pa busca e busnan aki.

E mandatario a menciona algun incidente unda bus a pega candela, of e bus ta para na caminda y hasta muchanan ta yega laat scol of usuarionan ta yega laat na trabao, etc. Pues, algo mester a wordo haci y su persona como minister encarga cu transporte publico di Arubus  no a duda cu mester tuma accion mas lihe posible.

El a subraya cu, naturalmente, pa brinda un bon servicio mester tin busnan adecua y apto pa e tempo aki, pero tambe cu ta cumpli cu cierto rekisitonan cu mundialmente, hopi compania ta bay den e direccion ey.

E ocho busnan aki tin cierto specificacionnan manera cu nan tin wifi pa e pasaheronan haci uso gratis di dje, airco cu no ta un luho mas, cargadornan pa telefon. Pues ta bay ta un servicio sigur, hopi mas agradable.

Awor ta bay den e siguiente fase unda Arubus ta bay percura pa e busnan core den e oranan stipula. E servicio ta depende di dje. Tin cierto cambionan cu tin pensa pa haci, por ehemplo un cambio den ley pa ora e bus para e autonan patras mester duna preferencia pa e bus sigui core. Cada minuut ta conta pasobra si un bus tin cu para 30 seconde 20 biaha ya caba e ta nifica diez minuut di retraso. Tur esaki ta ideanan cu gobierno ta biniendo cune pa e structura nobo.

E mandatario a duna di conoce cu e siguiente 15 busnan cu mester bin ta traha diferente cu esnan cu a caba di yega, y esaki pensando den e hendenan grandi y esnan cu tin limitacion tambe.

E busnan aki, cu ta presupuesta pa 2019, ta bin cu cierto adaptacionnan y tambe e trapinan ta mas abao pa hendenan di mas edad. Minister Romero a duna di conoce cu TNO ta bezig cu un plan di movilidad en general, kiermen pa tur transporte den nos pais, y door di esey lo por saca afo con ta bay pone e busnan core y unda tin personanan cu cierto retonan por brinda nan un servicio. E mandatario ta spera cu pa cuminzamento di aña 2020 of pa fin di e aña aki mes, por tin e flota di e siguiente 15 busnan na Aruba.  Aworaki tin ocho, y e siguiente siman otro siete ta bin, y asina aki ta spera cu pa inicio di 2020 of final di 2019 por tin 30 bus nobo den circulacion. Lo elimina e busnan cu ta hopi peligroso riba caminda, pero kier bay na un tipo so di bus, un fleta uniform, unda ta bay baha gasto considerablemente.

E mandatario ta haya e preocupacion den pueblo si e tarifa di Arubus ta bay subi, y el a señala cu absolutamente cu no. Gobierno no ta pensa mes den e direccion aki. E servicio di transporte publico ta pa yuda e ciudadanonan cu na ta esnan cu ta gana mas placa, pero sigur pa brinda nan un servicio di transporte publico cu nan por depende di dje.

Mas bien e idea ta pa explora si por baha e prijs y e ta haya un volumen mas grandi di pasahero, y eynan ta wak con pa gane bek y asina purba mehora e entradanan di Arubus door di cambia e servicio y tambe duna un servicio mas atractivo pa e pasaheronan.

 

- Advertisement -

DUNA COMENTARIO

Please enter your comment!
Please enter your name here