Home Policial Fugitivo Miguel Schneiders captura!

Fugitivo Miguel Schneiders captura!

1163
0
SHARE
- Advertisement -

ORANJESTAD (AAN): Sin duda alguno, e Team di Recherche cu Cuerpo Policial a forma pa yuda busca e asesino Miguel Schneiders, a traha incansable riba e caso aki.

Recien ya caba nan a aresta dos hende (uno di nan ta su mama), pero pa su mañan ya caba a lage liber.

Diahuebs cu a pasa den oranan di anochi, Team di Recherche a detene un muher di 23 aña di edad.

Polis a identifica e muher aki di inicial E.J.R.K. di 23 aña, kende ta ruman muher di Miguel.  Tin indicacion claro cu e ruman muher aki a yuda Miguel durante dianan cu e tabata scondi.

Pesey pa varios dia caba, Polis tabata pone enfasis, cu esnan cu ta haci nan mes culpable di yuda sconde un fugitivo, ta culpable di viola Articulo 2:146 di Codigo Penal di Aruba.

Articulo 2:146 ta indica cu esun cu libera of yuda un persona cu tin un castigo di prison ta castigable cu maximo 4 aña di prison.

E detencionnan aki tabata indicativo, cu Team di Recherche ta convenci cu e fugitivo Miguel Schneiders tabata na Aruba ainda y scondi.

Y esey a resulta di ta berdad!  Pasobra den e anochi di Diabierna pa Diasabra mainta, Team di Recherche a drenta den accion despues di a investiga y haci vigilancia.

Nan a acudi na un cas na Urataka 24-J, y aki a drenta den accion.  Enberdad a bin haya e fugitivo!  El a core bula bentana y trata na huy den mondi, pero Polisnan tabata mas rapido cune y a gare.  Su nomber completo ta Erick Arturo Minguel Junior Schneiders, pero tur hende ta yame ‘Miguel’.  El a nace dia 29 di December 1994 na Aruba, pues tin 24 aña di edad.

Nan a haye scondi na cas di su ruman identifica como Niurick Hereira.  Relaciona cu Articulo 2:146, e ruman tambe a keda deteni.

Tambe a aresta un ruman muher di Miguel,

Y ora cu Recherche a listra e cas, nan a bin canta ‘bingo’ cu loke a descubri eynan.  Den e cas tabatin 4 arma di candela, cu cantidad di bala.  E proyectilnan aki, hunto cu pistola y revolver a keda confisca.

Autoridad a descubri cu tabatin Bulletproof-Vests tambe na e cas.  Tur a keda confisca.

E potretnan aki a wordo suministra door di Polis.

Pa e siman aki pues, pueblo por drumi bek cu mas trankilidad.

- Advertisement -

DUNA COMENTARIO

Please enter your comment!
Please enter your name here