Home Turismo Miembronan di AHATA cu tin tienda den Oranjestad a tene sesion strategico

Miembronan di AHATA cu tin tienda den Oranjestad a tene sesion strategico

10
0
SHARE
- Advertisement -

ORANJESTAD (AAN): Aruba Hotel & Tourism Association (AHATA) conhuntamente cu Aruba Tourism Authorithy (A.T.A.) a organiza un sesion informativo pa Miembronan Aliado di AHATA cu tin tienda den Oranjestad.

Ehecutivonan di A.T.A. a presenta informacion valioso, entre otro; statisticanan importante di industria di turismo, data di cuanto y riba kico turista ta gasta na nos isla, diferencianan demografico cu ta afecta nivel di compra, y cifranan di pasahero di crucero. Tambe a presenta e diferente iniciativanan pa desaroya loke Aruba tin di ofrece na bishitantenan, y con A.T.A. ta incorpora “shopping” den e mensahe di mercadeo.

E sesion informativo a ofrece un miho comprondemento na e comerciantenan di Oranjestad, cu ta miembro di AHATA, tocante e tipo di compras cu diferente categoria di turista ta haci. Consecuentemente, nan por adapta nan strategia na e conocemento.  Ademas A.T.A. tabatin oportunitidad pa ricibi feedback valioso di esnan cu ta bende directamente na turista.

AHATA ta gradici hotel anfitrion Divi Tamarijn All Inclusive y A.T.A. pa e sesion productivo.

- Advertisement -

DUNA COMENTARIO

Please enter your comment!
Please enter your name here