- Advertisement -
ORANJESTAD (AAN): Minister Glenbert Croes ta na Hulanda y el a duna di conoce cu e ronda di informacion ta continua y dialuna mainta a reuni cu e comision fiho di relacionnan di Reino di Parlamento di Hulanda.
E mandatario a aprecia, cu apesar di reces, a otorga na delegacion di Aruba e oportunidad di por haci su raportahe.
Pa e comision fiho di Reino tabata presente Sr. Jan Paternotte (D66) kende ta presidente di e comision aki, conhuntamente cu Attje Kuiken (PVDA) cu tambe ta miembro.
Un reunion sumamente fructifero durante cual hopi pregunta a ser haci. Tabatin interes grandi pa e crisisplan social envista cu den Reino tin hopi problemanan social cu paisnan tin den comun.
- Advertisement -
