Home Policial Nada ainda di e rumannan Ramirez peligroso cu a huy di KIA

Nada ainda di e rumannan Ramirez peligroso cu a huy di KIA

664
0
SHARE
- Advertisement -

ORANJESTAD (AAN): Te na ciere di edicion aki, ainda Team di Recherche no a logra pone man bek riba e dos fugitivonan sospechoso.  Y for di monton di reaccion ricibi di pueblo, por deduci cu nan ta spanta, y ta hopi preocupa cu loke ta pasando den mundo di Ministerio di Husticia na Aruba.

Nan ta perdiendo hopi fe y confianza den e sistema di cuida Preso.  Nan a mira con e trend a bin ta bira mas y mas notable.  Ta inaceptable cu 5 preso ta huy den 4 luna di tempo na Aruba.

Si sigui e trend aki, kizas pa otro siman tin un otro preso mas cla pa huy?

DIARIO a haya varios comentario, na unda personanan mas vulnerable den comunidad, manera nos grandinan cu ta biba nan so den cas, mamanan soltero, of mayornan cu mester laga nan yiunan ta cas, sea cu welonan of otro famia, of cu rumannan mas grandi, ta hopi preocupa y spanta riba e casonan aki.

Nan ta sinti hopi insigur hasta pa cana den nan mesun cura den dia cla! Ta manera nan mes ta biba den un prison y den un paranoia cu e algo por pasa. Corda cu e hendenan aki a bay cera pa actonan peligroso y den desesperacion nan por comete actonan grave.

Manera ta conoci, Diahuebs madruga 15 di Augustus dos preso peligroso a huy.  Ta trata aki di Jorge Antonio Ramirez naci dia 15 Augustus 1999 (20 aña) y su ruman homber Joander Anthony Alexander Ramirez  naci 23 September 2000 (18 aña).  E dos hobennan aki a huy di e seccion “Jeugd-Afdeling” di KIA.

E rumannan aki ta sinta pa entre otro Atraco arma. Un di e rumannan a worde condena 9 aña sera, mientras su ruman homber ta tras di trali pa 11 aña.

Un biaha mas DIARIO ta pone e potret aki, cu e suplica cu si bo mira nan, no bay trata di captura nan bo mes!  Yama Polis mesora na telefon 100.  Of bo por yama duna un tip anonimo na 111-41.

- Advertisement -

DUNA COMENTARIO

Please enter your comment!
Please enter your name here