ONU ta observa awe dia 12 di Augustus e Dia Internacional di Hubentud

    79
    0
    SHARE
    - Advertisement -

    Pabien na tur nos hobennan na Aruba:

    ORANJESTAD (AAN)—Siguiendo e recomendacion di e Conferencia Mundial di e Ministernan encarga cu Hubentud, celebra na Lisboa na Augustus 1998, dia 17 di December 1999 e Asamblea General di ONU a declara dia 12 di Augustus como Dia Internacional di Hubentud.

    E Asamblea a haci un yamada pa un participacion mas grandi posible di e gobiernonan y sociedad civil pa conmemora e fecha aki door di difundi e Programa Mundial di ONU pa e hubentud te cu aña 2020, y e añanan subsiguiente, locual a keda aproba pa e Asamblea na 1995.

    Hubentud ta e speranza di mundo:

    E puntonan di salida ta:

    E speranza di e mundo ta poni riba e hendenan hoben.

    E paz, dinamismo economico, husticia social, tolerancia: tur esaki y hopi mas ta depende awe y mañan  di e energia di e hubentud cual mester wordo probecha.

    Lamentablemente, mas di 400 miyon di hende muher y hende homber hoben ta biba den ambientenan di conflicto arma y violencia organiza.

    Miyones di nan ta sufri di privacion, hostigamento, harassment y otro violacionnan di nan derechonan.

    Hende muher hoben y mucha muher ta particularmente vulnerable.

    Hendenan hoben di henter mundo mester di espacionan sigur; espacionan publico, civico, fisico y digital den cual nan por expresa nan opinion y persigui nan soñonan libremente.

    Mester inverti den e hubentud pa nan tur tin acceso na educacion, capacitacion y empleo decente y por desaroya nan potencial.

    Nacionnan Uni tin e firme determinacion di scucha locual e hobennan tin di bisa y habri e vianan necesario pa nan por participa na un forma constructivo den e decisionnan cu ta concerni nan.

    - Advertisement -

    DUNA COMENTARIO

    Please enter your comment!
    Please enter your name here