Home Innovation Prome dos clientenan a haya nan Galaxy Note10 na Sams

Prome dos clientenan a haya nan Galaxy Note10 na Sams

532
0
SHARE
— E dos prome clientenan na Aruba cu a bay busca Galaxy Note10.
- Advertisement -

ORANJESTAD (AAN): Samsung a caba di lanza nan modelo “flagship” nobo di Smartphone grandi, y cu e biaha aki ta mucho mas sofistica, cu processor poderoso, pantaya grandi, y funcionando hasta mescos cu un computer, esta e Galaxy Note10.

E compania Sams by Manolo den Havenstraat na Playa como tambe den Bernhardstraat na San Nicolas, a caba di haya e siman aki e prome cargamento di e smartphone aki, cu ta bay duna e usuario un experiencia di mobile cu ta mescos cu un computer, mescos cu un machine di videogame, mescos cu un camera pa traha pelicula, y tambe cu su pen inteligente.

Samsung a lanza tres modelo nobo, esta e Galaxy Note10, tambe e Galaxy Note10+, y tambe e Galaxy Note10+ 5G.

— Trahadornan di Sams aki cu e Galaxy Note10 cu a caba di yega.

DIARIO tabata presente na momento cu e prome dos clientenan a ricibi nan Galaxy Note10.  Esun di dje ta bin cu un pantaya di 6.3 inch, y e ta solamente 7.9 mm diki.  E processor paden ta dispone di 12GB di RAM, y e memoria pa warda video y app ta un increible 512GB.  Bo por expande te hasta 1TB di memoria si bo usa e MicroSD slot tambe.

Galaxy Note10 por charge den apenas 30 minuut, cu ta dunabo poder pa funciona henter dia.  E tin tambe 1 camera dilanti, y 3 camera patras.  Uno di nan ta captura imagennan perfecto hasta cu poco luz, como cu su f/stop ta di apenas f/1.5.

Riba e potret por mira e dos personanan cu a haya nan Galaxy Note10.  Tambe por mira potret di e crew di Sams by Manolo, contento cu e yegada di e smartphone nobo y mas solicita awor di Samsung.

- Advertisement -

DUNA COMENTARIO

Please enter your comment!
Please enter your name here