Home General Prome Ministro dictador Mike Eman a zink Aruba

Prome Ministro dictador Mike Eman a zink Aruba

826
0
SHARE
- Advertisement -

Analisis

Gabierno Mike Eman a tira tur advertencia di baki di sushi 

*Bos di Comercio ni otro gremio tabata tin balor den benta di Aruba

*Documentonan importante di Comercio a wordo menosprecia 

Awe Aruba ta lanta para pasobra awe Aruba ta sinti cu casi e ta bay bou di e olanan pa cual DIARIO a adverti tanto tempo.

For di momento cu Mike Eman a hisa su dos dedenan den laira y a uza Nomber di Dios pa hura cu e tin bienestar di Aruba su dilanti, el a scop Aruba y a pusha Aruba den un abismo.

Loke ta pasa awe na Aruba no por ta un sorpresa pa ningun hende. DIARIO por presenta rapport riba rapport cu ta mustra for di 2014 cu si no tuma medida, Aruba ta zink.

DIARIO a presenta cifranan y rapportnan cu ta adverti pa loke ta pasa awe.

Na 2014 Sociaal Economische Raad, e organo di estado den cual gobierno, sindicato y comercio ta representa a emiti un rapport den cual tabata urgi Gobierno anterior pa cambia rumbo di Aruba. Na e momento ya tabata papia di e necesidad pa introduci un BBO pa AZV.

Cual di e medidanan cu a wordo proponi a wordo tuma? Dialogonan social cu Gabinete Mike Eman tabata manera dialogo cu hende ta tene cu un muraya cu pa colmo ta haci bofon di nan.

Na 2015 bosnan di preocupacion a yena Aruba, cu tabata den problema serio. Nada a sosode. Ningun instancia a wordo scucha.

Camara di Comercio a adverti contra e refineria. Camara di Comercio a pidi diversificacion di economia. Kico a pasa?

Camara di Comercio a keda sorprendi segun su propio comunicado pa e forma con e gobierno di Mike Eman a pasa e Acuerdo di Citgo den Parlamento contra tur regla. Kico a pasa?

Awe Aruba ta biba cu e resultado di un gobernacion cu a zink Aruba. Ningun instancia a manda Mike Eman bay elimina BBO, pero instancianan oficial a desconseha contra e paso cu lo a bira inicio di final di Aruba.

Banco Central por ehempel, manera rapport di Raad van Advies ta indica, tabata na fabor pa cambia e forma cu BBO ta escala.

Sin ningun indicacion apropia, dictador Mike Eman y su gobierno a baha BBO y na mes momento a hunga e Sinterklaas cu ta wordo pinta den e rapport cu Conseho Social Economico, pues gremionan tambe, a emiti.

Algemene Rekenkamer Aruba e maximo autoridad riba tereno di gasta placa di pueblo a traha un rapport riba e proyectonan Bo Aruba. Autoridad mester dicidi riba e 1.6 Biyon di Aruba cu Mike Eman a uza como manteca riba pan cu pueblo no por controla.

Awe e bom a rementa. E bom pa cual DIARIO a adverti.

Awe Aruba ta sinti kico ta nifica caida di e economia cu gabinete Mike Eman a bati cu scop y a destrui cu e proyecto Citgo cu a bira e ultimo trampolin mortal cu gobierno Eman por a entrega Aruba.

Awe awa ta yega nos garganta. No por ta otro. Bay puntra dictador Mike Eman, cu for di su baricada ta sigui “ensure” su mes cu e por haci y deshaci cu Aruba manera e kier pasobra aparentemente Aruba ta su propiedad priva.

- Advertisement -

DUNA COMENTARIO

Please enter your comment!
Please enter your name here