Home Gobierno Situacion di Venezuela cada bez mas serio y nada nobo encuanto e...

Situacion di Venezuela cada bez mas serio y nada nobo encuanto e refineria

113
0
SHARE
- Advertisement -

Minister Presidente mr. Evelyn Wever-Croes:

ORANJESTAD (AAN) – Den conferencia di prensa di gobierno, Minister Presidente a bolbe toca e tema di Venezuela, y den e update cu el a duna a indica cu e situacion den e pais bisiña ta sigui hopi tenso y delicado.

Cada bez tin mas sancion cu ta wordo poni riba Venezuela locual ta haci e situacion di e pais hopi mas dificil, y naturalmente Aruba ta sinti efectonan.

Mientras tanto e frontera entre Aruba y Venezuela ta sigui cera, desde Mei cu gobierno di Aruba mes a cere pa cuater luna, kiermen cu na September mester renova e ciere di nos frontera cu Venezuela. E lo keda cera tanten cu gobierno ta preparando e sistema ESTA y diferente otro aspecto pa por atende cu un fluho grandi di persona.

-REFINERIA:

Pa loke ta trata e refineria, Minister Presidente ta lamenta cu no tin nada nobo pa bisa aworaki. Gobierno ta ainda den negociacionnan pa mira si por sali for di e contrato na un forma lihe, sin cu mester litiga y procede hopi aña den Corte.

E proceso no ta bayendo asina lihe manera gobierno a spera, y mester sigui carga pasenshi. Na final, ta na October 2020 cu nan mester finaliza e trabao segun e contrato y si esaki no ta e caso manera tur cos ta mustra, e ora ey por exigi pa por sali for di e contrato, sinembargo e ta e ora cu e caminda grandi den Corte lo cuminza pa gobierno di Aruba por saca su mes for di dicho contrato.

- Advertisement -

DUNA COMENTARIO

Please enter your comment!
Please enter your name here