Situacion mundial ta e alarma di rapport Banco Central

    134
    0
    SHARE
    - Advertisement -

    Resumen

    Lamentablemente den mundo politico, hopi bes rapportnan oficial ta wordo uza pa hunga politica. Tin caso den cual politiconan cu no sa mes di kico nan ta papia, ta hasta troce loke rapportnan importante ta trece dilanti, pa ganashi politico barata.

    Rapportnan cu instancianan oficial presenta, mester haya e importancia cu nan merece y mester sirbi como base di informacion comprendibel pero corecto na Pueblo.

    Na varios ocasion, nos a adverti Aruba pa e situacion mundial cu awe ta haya confirmacion den desaroyonan cu ta sigui otro pero cu lamentablemente no ta presente den e pelea politico local.

    E cifranan di Banco Central pa e ultimo tres lunanan di 2018 di economia di Aruba, ta contene tambe e berdad di nos situacion mundial cu na e momentonan aki ta motibo di preocupacion.

    Ayera nos a informa di e crisis cu a surgi na bolsa di balor na New York debi na informacionnan tocante un recesion grandi. Na e bolsa di balor na New York, negoshi ta wordo haci cu propiedadnan y biennan. E ta e centro di compra y benta di propiedad na nivel mundial.

    Ora informacion cu ta indica caida di economia, pues recesion a drenta, doñonan di propiedad (balornan) a cuminsa bende pa loco y e balor a cay cu 800 punto cu ta sumamente halto. Otro centronan di cambio di balornan na mundo a sigui y mientras e situacion tabata normalisa na Merca, mundo a keda den suspenso.

    Den e relato di Banco Central di Aruba, alarma ta wordo bati pa problemanan cu economia mundial ta confronta, manera DIARIO a bini ta propaga pa basta dia.

    Ta importante pa Aruba ta na haltura pasobra ora economia mundial cay, Aruba ta den problema serio.

    No ta solamente turismo ta den problema, pero henter economia di Aruba si e situacion na varios parti di mundo sigui encera menos resultado positivo.

    Informacion di un pueblo ta importante y sigur pa Aruba cu ta depende completamente di mundo hasta pa e come.

    DIARIO ta cumpli cu su deber y ta mustra riba e necesidad pa tur gremio y tur participante activo den e comunidad, cuminsa guia Aruba y duna informacion corecto pa asina hunto por yega na solucionnan cu e pais mester prome ta laat.

    Integridad di mundo politico sigur ta encera na prome luga pa Aruba ta bon informa  y tur instancia na e pais tin deber pa duna pueblo e informacion cu e mester pa asina e por ta prepara pa tur situacion mundial cu por afecta e pais.

    Banco Central ta cumpli, mescos cu otro organonan oficial, cu su tarea. Ta comunidad mester sostene su trabou a base di conocemento.

    - Advertisement -

    DUNA COMENTARIO

    Please enter your comment!
    Please enter your name here