Home Policial Un boto a trece ilegalnan den madruga na Arashi

Un boto a trece ilegalnan den madruga na Arashi

469
0
SHARE
- Advertisement -

ORANJESTAD (AAN): Durante cu un unidad di Guardacosta di Caribe Hulandes ta patruyando abordo di nan speedboat tipo Metal Shark rond di Aruba, e funcionarionan a detecta un boto sospechoso riba radar, den area di Westpunt.

E team di Metal Shark a mobiliza mesora den e area di e boto riba radar, y mientras tanto a pidi asistencia tambe di e team di vigilancia di Guardacosta na tera, pa nan bay den area di Arashi.

Riba e radar nan tabata mira con e boto tabata bayendo direccion Arashi, y a yega na tera tambe.

Despues cu e boto aki a baha grupo di stranhero ilegal na tera, e boto a sali bay bek direccion pabao.  E boto sospechoso a cuminza huy, pero el a cay den bista di e team abordo di Metal Shark.

Asina a start un persecusion riba lama, pero e boto tipo Yola sospechoso no por cu e motornan potente di e Metal Shark.  Despues di un rato nan a stop.

E Capitan a basha abao, cu el a caba di baha hende ilegal na e beach di Arashi.  Mesora a confisca e boto, y a lastre rumbo pa e Pier di Guardacosta.

E Capitan y su tripulantenan a keda deteni bao sospechoso di Traficacion di Hende.  Nan a ser pasa pa e seccion di Traficacion di Hende di Cuerpo Policial.

Na tera mes mientras tanto, Cuerpo Policial a logra pone man riba tres hende indocumenta riba tera.  Door di e bon cooperacion entre e partnernan hudicial, en total den e anochi a detene 5 persona ilegal, di cual 2 hende ta sospecha di traficacion di hende, y 3 cu a subi tera ilegalmente.

Tasnan muha haya na Faro di California:

Despues di e caso aki di madruga, tabatin mas movimento sospechoso den area di Arashi y Faro di California den dia.

Diamars merdia, pa 1:40 pm,  central di polis a wordo notifica door di Alarm Central cu na a haya un yamada cu lo a wak 6 persona tur muha na altura di lighthouse.  Di biaha a despacha unidad di polis pa asina controla. Polis a bin haya na e trapi di lighthouse 6 tas ainda muha.

Sospecho ta cu lo por ta trata di ilegalnan. Ta asina cu mas unidad a yega na e sitio y a cuminsa cu un buskeda den e area menciona.  Pues kizas e boto di madruga lo abaha mas hende y ainda nan ta scondi den e area di Arashi, Malmok, y Boulevard.

E helicopter di polis tambe  a wordo lanta pa asina asisti cu e buskeda. Te cu ayeratardi awo no a haya cu ningun persona ni a haci ningun detencion.

E tasnan a wordo confisca y hiba warda di polis. Patruya di Noord y Strand lo keda controla den e area aki.

 

- Advertisement -

DUNA COMENTARIO

Please enter your comment!
Please enter your name here