Caso di asesinato na Dordrecht:
* Casa a keda gravemente herida
DORDRECHT: Na Aruba a drenta informe di e noticia lamentabel cu na Dialuna alrededor di 6:30 di anochi ora Hulandes, a tuma lugar un drama na Sterrenburg, Dordrecht, unda cu un agente policial a tira su casa y yiunan (dos mucha muher).
Polis a indica cu e drama a tuma lugar den cas di e famia den Heimerstein na Dordrecht.
Prensa Hulandes a indica cu 3 persona a wordo haya morto den e cas.
Nan a reporta cu e homber polis a tira su dos yiunan y su casa, despues di cual el a mata su mes.
E dos yiunan a muri, mientras cu su casa ta gravemente herida.
Aparentemente e pareha tabata den e proceso di divorcio.
Lo trata aki di e homber Arubiano Wendell ‘Juni’ Cardoze, casa cu Marjori Gressman di Noord.
DIARIO ta expresa palabranan di profundo pesame na e familiarnan di e victimanan.
