ORANJESTAD (AAN) — Por a tuma nota den e ultimo dianan tras di lomba, cu e proyecto Watty Vos Blvd, ta practicamente den su fase di finalizacion, sinembargo mester apunta un par di cambio cu a wordo combina cu e caminda cu ta sali di e rotonde panoord di Alhambra casino, pasando pabou di Hospital, cu ta sumamente peligroso y cu por tin consecuencianan fatal.
Ta asina cu manera por ser mira riba e potretnan adhunto, cu den e construccion di caminda, e compania encarga a dicidi pa hinca den e proyecto, 3 entrada cu ta bin topa cu e caminda cu ta bay direccion di e rotonde ya menciona.
Pa colmo cu hopi automobilista no sa mes cu e caminda aki a bolbe bira uno cu dos direccion y nos por tabata testigo con tin automobilistanan asina cu nan caba di pasa e rotonde riba e caminda pabou di Hospital, ta sigui pensa cu e caminda ta di doble via y ta bay core riba tur dos baan, caminda cu en realidad, un di e baannan aki ta pa trafico contrario.
Algo mester bay wordo haci, pa evita cu accidentenan mortal por bay sosode riba e caminda aki.
