AUXILIO! Ta basta

    420
    0
    SHARE
    - Advertisement -

    ORANJESTAD (AAN)—E representante di e Bario di Simeon Antonio, sra. Marjorie Vermeer-Luidens a pidi cu grito di auxilio, den nomber di e habitantenan di Parkietenbos y vecindario, pa Aruba en general lanta nan voz pa exigi un solucion permanente aworaki pa e desgracia di mas di 75 aña di nos dump!

    “Nos, e habitantenan uni ta acusa tur gobierno actual y anterior di un maneho di desperdicio hopi iresponsable durante añanan largo”, sra. Vermeer a expresa.

    “Nos diez pregunta pa e gobierno actual ta:

    • Di con e persistencia di kier sigui duna e compania Estatal Serlimar e maneho di desperdicio?
    • Di con kier bin cu un incinerator cu lo costa Aruba $300.000 (PPP) a sabiendas cu Aruba no tin placa?
    • Kennan lo controla maneho di e leynan ambiental cu nos no tin ainda? (Problema di gas dañino ora biento bira y nos subsuelo cu lo chupa tur e toxiconan cu lo bay den nos tera y lama).
    • Con lo deshaci di e shinishi cu ta keda atras y lo mester wordo dera?
    • Kico lo pasa cu nos dushi Aruba ora e incinerator lo caba manera e incinerator di ex-minister Candelario (Boshi) Wever? Pasobra tur e placa ey ta pueblo a paga pe.
    • Pakico un solucion cu no lo costa Aruba nada extra, di exporta e ‘MSW’ y “MS’ (sushi di cas, etc) no ta permisible?
    • Ki dia e gobiernonan ta bay realiza cu un gobierno no por maneha su propio companianan debi na patronahe politico y metemento di politica den dje?
    • Pakico nos gobierno actual no ta uza inversionnan priva di companianan profesional, independiente y responsable cu lo por garantiza continuidad pa nos Isla?
    • Un trahador cu no ta produci ta wordo retira den un compania particular, sinembargo, nos tur sa cu gobierno door di LMA no ta permiti esaki? Pesey Aruba su Aparato Publico mes ta presta pa fomenta ineficiencia.
    1. Pakico nos no por biba riba un Isla limpi y cu aire puro? Esaki ta un derecho humano cu nos tur tin, riba e pida baranca aki”.
    - Advertisement -

    DUNA COMENTARIO

    Please enter your comment!
    Please enter your name here