Home Religion y Espiritualidad Celebrando 100 aña di Consagracion di  Misa

Celebrando 100 aña di Consagracion di  Misa

15
0
SHARE
- Advertisement -

Pro-Catedral San Francisco di Asis

ORANJESTAD (AAN): Pro-Catedral San Francisco di Asis ta bay Celebra 100 Aniversario di  Consagracion di  Misa. Dia 4 di October, no solamente ta conmemora misa pero tambe ta recorda tur esnan cu a pasa pa e porta di nos misa den transcurso di e añanan.

NOBENA N/H. DI SAN FRANCISCO  DI ASIS
San Francisco di Asis Representante di Cristo.
Nos patrono San Francisco ta un inspiracion pa nos tempo moderno.
E nomber berdadero di Francisco tabata Giovanni. Francisco ta e nomber di cariño cu e’l a haya, pasobra e tabata biaha hopi cu su tata pa Francia. E hoben rico aki tabata pasa su bida gozando y festehando cu su amigonan di su mesun clase social. Pero Dios tabata tin  algo grandi warda p’ele. Francisco a kere cu e mester a lucha y gana bataya, pero Señor Dios a destin’e pa e restaura su Iglesia.

Francisco no a comprende su mision berdadero, el a kere cu ta un misa e mester a traha. Francisco a laga tur cos di mundo para un banda y a entrega su mes completamente na servicio di Dios y su prohimo.

E tabata cana rond proclamando bon noticia. E tabata duna speransa atrobe na esnan den scuridad di pobresa y enfermedad. El a soporta hopi. Hasta su mayornan no a comprende’le, su amigonan tabata haci burla di dje y nan a bisa cu el a bira loco. Pero su locura tawata pa sirbi Dios y su prohimo cu alma y curpa. El a biba den plenitud e Evangelio di Cristo. Señor a yam’e den un manera particular y el a responde generosamente y a cumpli cu mandato di Señor. El a bira pober hunto cu e pobernan, pero rico den Spirito. Su bida a inspira hopi hoben di su tempo. Nan tambe a laga tur cos atras y hunto cu Francisco nan a dedica nan bida na Dios Cristo y su Iglesia.

Pastoor Stanislaw ta invita rumannan pa acudi na nobena di San Francisco di Asis, esaki ta cuminsa diaranson 25 di september, na Pro-Catedral San Francisco pa 6:00 P.M.
Laga San Francisco ta bo Consuelo awor y semper.

- Advertisement -

DUNA COMENTARIO

Please enter your comment!
Please enter your name here