Home Enseñanza Den e maneho nobo di enseñanza a amplia e servicionan educativo

Den e maneho nobo di enseñanza a amplia e servicionan educativo

11
0
SHARE
- Advertisement -

Minister Rudy Lampe:

ORANJESTAD (AAN)—Minister di Enseñanza, Rudy Lampe, a señala den conferencia di  prensa cu esnan cu ta haci comosifuera cu e no ta atende bon cu enseñanza, esey no ta cuadra cu locual e ta haciendo aworaki.

E ta ampliando e servicionan educativo, y a pone como ehemplo e dependance nobo di Colegio San Nicolas cu a lanta pabao di brug, pasobra den e maneho nobo, door di e “nationale toets” aworaki tin hopi mas studiante pa HAVO.

Tambe a amplia Scol Dornasol cu ta un scol pa muchanan special, cu aworaki ta cuminza for di scol preparatorio y ta sigui full scol primario y den futuro, ora nan caba scol basico nan lo sigui cu enseñanza secundario. Esaki ta algo cu no tabata tin prome, un scol completo pa e muchanan cu tin necesidadnan special.

Tambe awo e muchanan cu ta cumpli 4 aña prome cu 31 di December por drenta scol preparatorio, y tambe e cantidad di muchanan aki a aumenta. Mester a amplia e facilidad y a traha un scol preparatorio nobo na Princess Amalia cu dos klas. A bin cu dos extra eerste klas preparatorio na scol primario Kudawecha.

Tambe a bin cu un extra eerste Klas pa scol primario na Colegio Conrado Coronel,  cu tin e proyecto piloto di scol multilingual, pa cual tin hopi interes.  Ademas mirando e cantidad di imigrantenan cu ta drenta Aruba, mester a amplia Prins Bernard Scool, cu un turno mainta y un turno merdia, y fuera di esey a amplia Prisma Scol na Scol Washington.

E dignatario a subraya cu na lugar di a corta den enseñanza a inverti mas placa, personal y material y tur esaki cu el a caba di menciona ta costa extra placa.

E dignatario a expresa cu locual gobierno a haci ta coregi loke tabata robes den enseñanza. Pesey a coregi y haci denuncia na Landsrecherche, di e iregularidad financiero, cu a sosode na EPB, mescos cu a surgi tambe na Enseñanza pa Empleo (EPE) y e investigacionnan ta andando.

- Advertisement -

DUNA COMENTARIO

Please enter your comment!
Please enter your name here