Home Impuesto DIMP ta duna 3 luna mas pa entrega declaracion di inkomstenbelasting 2018

DIMP ta duna 3 luna mas pa entrega declaracion di inkomstenbelasting 2018

20
0
SHARE
- Advertisement -

Fecha final nobo: 2 di december 2019

ORANJESTAD (AAN) – Relaciona cu e declaracion di inkomstenbelasting 2018, Departamento di Impuesto tin e siguiente participacion.

Extension di periodo

Manera anuncia anteriormente e fecha final pa entrega e declaracion menciona ta 2 di september 2019.

Si un contribuyente no alcansa pa entrega su declaracion, automaticamente e lo haya 3 luna mas di tempo sin boet. No ta necesario pa entrega un peticion por escrito. E fecha final nobo ta bira 2 di december 2019.

Ta importante pa entrega e declaracion

Ta importante pa cumpli cu e entregamento di e declaracion. Cu e declaracion e contribuyente ta haci uzo di su derecho di declara na inspector di impuesto kico exactamente el a ricibi na entrada y cuanto su gastonan tabata. Si no entrega e declaracion, inspector lo impone un cobransa taxativo y un boet. Esaki ta nifica cu inspector mes lo calcula e entrada fiscal pa e contribuyente pa e aña 2018.

Alabes e contribuyente lo por haya un boet di 5% di e suma di inkomstenbelasting. E boet ta minimo Afl. 250 y maximo Afl. 10.000.

Por sigui e pagina di Facebook https://www.facebook.com/impuestoaruba/ of download e app “BO impuesto” (pa iOS) di Departamento di Impuesto pa keda bon informa na tur momento riba cualkier topico di impuesto.

- Advertisement -

DUNA COMENTARIO

Please enter your comment!
Please enter your name here